馬爾代夫Conrad Maldives2011(8)~餐廳篇

旅遊最美好的......就是回憶......分享生活勝過獨自擁有

所有馬爾代夫 resorts內都是用美金，所以在島上用餐都幾貴，以前我到過的兩間 resort，一日三餐包晒在團費，雖然話buffet，但當你每餐都見同一款食物(不是像HK buffet咁多choice)，可以說是無啖好食。我諗今次既然再揀得馬爾代夫豪，唔爭在啦，無謂玩到好似細個中學旅行咁，right?!.....最近我和朋友share馬爾代夫之遊，有一則笑話真令想同大家分享，我朋友表弟到馬爾代夫honeymoon，為求慳錢，他們午晚兩餐匿喺房食杯麵，食足成個trip！救命....我覺得他們不應揀馬爾代夫吧，太辛苦啦！旅行啊！

唔想餐餐buffet陰影下，我在眾多馬爾代夫 resorts揀Conrad亦是因為我知道島上有9間餐廳咁多，仲有specials例如Private Beach Dining(超貴連價錢都唔問island host)，逢星期六晚 Lobster & Champagne(US230一位)，in-room Dining(點餐計，都OK)。Conrad Maldives分BB、HB、FB：BB(Bed & Breakfast)基本上package一定包早餐buffet，HB(Half Board)包早晚兩餐，每人每天HK$720，FB(Full Board)包早午晚三餐，冇考慮過所以冇問價錢，都在島上最大間餐廳Atoll Market食buffet，若到時唔想食buffet，若改到另一間餐廳用餐，可七折。

有咁多choice冇理由餐餐食buffet！最衰係要訂package時決定，冇得到時先決定，好彩冇貪方便訂HB、FB，雖然貴咗，但a la carte'由自己控制budget....我就任性咗啲，食豪咗，最尾結賬共6餐差不多US1000.....my blog friendsss我試過後....其實可以慳啲，至少慳返Ithaa水底餐廳那US300........現在和大家share我在Conrad Maldives用餐的看法。 先講早餐。早餐(7-11am)可在Main Island的Atoll Market，草芧屋頂那裡是室內座位和擺放食物區，都是鋪滿軟綿綿白沙，當然戶外用餐面對海洋，感覺好啲！

這是在Atoll Market戶外用餐區對出的景，早餐算多choice，一般西式早餐選擇都有，仲有粥、點心食，不過燒賣唔掂(都係中國人整嘅點心長勝)！overall 都OK好食。咖啡、茶、果汁不斷奉上！仲有成枝冰水可以俾你攞走，不過房間有足夠水供應，冇須攞。

如果不是細島維修Vilu Restaurant暫關閉，亦可以在Vilu吃早餐，出發前爬文見到那邊清悠點，少啲住客到那吃早餐，因為少啲food choice。我入住期就在Manhdoo Restaurant代替，真係少好多choice，buffet檯上只有些salad、麵包、凍食，熱食就自行點餐.....雖然清悠，但Atoll Market都不是逼滿人，所以幾天早餐我倆也在Atoll Market吃。反而我倆在Manhdoo Restaurant吃了一次午及晚餐，OK喎！我最喜歡的餐廳，因為這是「健怡」餐廳，食物分量剛剛好。

Manhdoo Restaurant是水上餐廳設計，環境清悠，海風好爽！

餐廳有Dress Code係smart causal，那天我們穿泳衣，waiter好禮貌地叫我們著條shorts，所以我們跑回villa換，好彩Manhdoo Restaurant就在Spa Water Villa區。

這裡menu分五行，air–energizing，earth–nourishing，fire–detoxifying，water–relaxing，plant–fortifying。嘩！好Zen....名啫....冇用o架....哈哈哈！Lunch & Dinner menu一樣。我倆叫咗份串燒雞配薑茶、雞胸肉意大利飯、仲有個Three Salad，我覺得好好味！呢一餐用咗US90左右....比起在香港飲食係貴咗啲，在Rangali Island算平得嚟滿足啦！

份量少價錢都平啲，我和老公都覺得份量足多，反正食得太飽不適游水

Conrad安排5-6pm在Manhdoo Restaurant免費下午茶buffet及Vilu Bar有杯免費cocktail時間(得一杯cocktail仔)。出發前爬文見下午茶是在Rangali Bar亦很多食物，仲以為可以晏啲食個brunch(反正早餐包咗)+tea buffet就OK，但我入住期，tea buffet完全不同，看圖下就是tea buffet的食物檯，只有sandwiches, biscuits，pastries都冇！飲料只是冰水、不同茶包及咖啡，同房間provide的一樣！唓！失望！所以我倆食過餐tea buffet都don't bother啦！我從香港帶了包soft baked brownies，坦白說，在水上屋露台，著住泳衣臥在sun lounger邊曬太陽、邊食餅飲咖啡，仲舒服過專程跑到這裡吃tea buffet！

Rangali Restaurant亦是價錢比較冇咁貴，但分量多。同Atoll Market一樣，在Pool旁，有鋪滿軟綿綿白沙的室內座位和面對海洋的戶外餐區，我當然揀戶外！感覺好啲我都喜歡呢間餐廳，lunch, tea, dinner都可以在此享用！我倆入期時碰啱Friday, Saturday, Sunday nite show，有表演睇添。

我倆第一日late lunch在Rangali Restaurant享用，我倆叫咗個club sandwich配超多french fries和pizza，好大份的似都係US80左右！太飽要瞌瞌！我覺得想吃飽啲又比較平啲晚餐，可試試Rangali restaurant啊！

我們有一晚在Sunset Grill吃晚餐，係a la carta'，我們吃了差不多US200，set dinner仲貴，好似每人US190！當然係fine dinning所以咁貴。唔食唔錯喎，好食又低過Ithaa。

不過同是面對海洋用餐，我覺得Rangali Restaurant食物已非常滿足！可能我對食冇咩高要求呱！食氣氛對我重要啲....不過氛氛超好，每對夫婦可佔有整個deck(雖然有兩張檯)，入座後亦把玻璃門關上，好private呀！所以如果在Conrad Maldives至少揀一浪漫餐，我會揀Sunset Grill。

日間Sunset Grill清楚見到每個deck啦，這裡通往昂貴Ithaa Undersea Restaurant，有reservation先可進入，啍！唔鍾意！

送一杯house tomato soup及好好味麵包，有3種dressing，但我忘記了是什麼醬。鹽都有4類，魚、肉、菜都用唔同鹽，waiter好有耐性解釋啊！ 

我倆order了cheese salad、周打魚湯及蘑菇湯做Appetizer，不過早知送house tomato soup及好好味麵包.....真係連salad & soup都唔叫，太多啦，又可以慳返！不過可能係東方人胃口比較細而已。

老公主菜叫了一客king prawn，已經好似龍蝦咁大隻，想像唔到逢六晚US230一位、任食Lobster & Champagne的龍蝦會有幾大隻！我就叫咗spring chicken & vegetable，主菜跟埋大大碗飯和薯蓉，份量大多，那晚餐"食唔晒"仲有啲過飽添......我倆7pm入座剛sunset，好靚，但10pm就關門，我嫌有少少急 

這是Atoll Market的Buffet Dinner，if HB or FB住客餐餐在這裡用餐，我倆度度試吓，第一晚在這吃buffet。都唔平呀，計埋service & tax要US215(二人)，所以FB收HK760低啲，但又其實拉上補不一餐貴一餐平，可能差不多，至少我有多點自由去邊度食都得！ 

有日式壽司，意式pizza、印度咖喱薄餅、美式肉、salad、中式飯麵菜都有，of course有生果、dessert、雪糕.....hummmm不過only我個人意見，食一餐係OK嘅，晚晚咁食就唔好啦

在Atoll Market用餐時，與其他不同，冰水係免費，所以盡可叫。BTW，其實燈光好暗，係攝影效果！

最後和大家分享Ithaa Undersea Restaurant啦！它現時世界上唯一間全玻璃外牆的海底餐廳，但上幾星期看雜誌好似開多了一間海底餐廳，但忘記which resort。

由高望下的日夜Ithaa 

Ithaa入口有一個休息lounge，廚房亦在上層(即地下)，入內要除鞋的，waiter帶我們通過一條黑暗的木旋轉梯就進入心臟地帶！

一步入Ithaa這間現時世界上唯一間於海底 5 米下、全玻璃外牆的海底餐廳，first feeling是咁細！像一個半圓形的玻璃走廊，只有六張餐桌，不過無論坐在邊張或任何一個角落，都可以看見珊瑚和魚魚。我好想見到manta ray & sharks游過....但遇不上了！

waiter叫我們戴上太陽眼鏡，陽光從海面折射好刺眼，用餐時戴上太陽眼鏡，才能欣賞到海底世界。

Ittha的11:00 cocktail時間(US55)、午餐(US190左右)、晚餐(好似US350左右)....係好貴，在香港可以食到好豪啦！比網上menu價錢加了價！Conrad給我們US100 coupon，又想試下咁出名嘅海底餐廳，咁就booked咗午餐，晚餐實在afford不來！service+tax+beverage埋單要US350左右，除了錢，我覺得只可以set lunch or set dinner，一係魚一係牛，冇得揀唔好囉，而且我倆都覺得其他餐廳仲好味，但份desert朱古力蛋糕就我老公唔太鍾意食朱古力都話好食！

Really lots of fishes...but not manta rays & sharkssss！不過老公即時同我講今朝我哋浮潛咪一樣見到同景，做咩俾幾百蚊美金呢?! Yes, I thought so tooooo!

Ittha的11:00 cocktail時間、午餐、晚餐都要預先訂位，但我個人認為午餐3-course-meal得兩粒鐘，晚餐5-course-meal得三粒鐘食係太急，旅行用餐往往都是慢慢享受啊！旅行又不用趕working，享受時間、享受氣氛、享受 every moments，所以我最怕跟旅行團。

Ittha只有酒類 beverages，要飲果汁都有，他們從Atoll Market攞過嚟，不過5-10分鐘就有！

我覺得上菜速度太快，一道菜吃完立即上第二度菜，less relaxing。赤腳在楓木地板上，人在5米海底中，都係有種experience。

Ittha的11:00 cocktail時間 (一杯cocktail要US55！)、午餐(US190左右)、晚餐(好似US350左右)....係好貴，在香港可以食到好豪啦！比網上menu價錢加了價！Conrad給我們US100 coupon，又想試下咁出名嘅海底餐廳，咁就booked咗午餐，晚餐實在afford不來！service+tax+beverage埋單要US350左右，除了錢，我覺得只可以set lunch or set dinner，一係魚一係牛，冇得揀唔好囉，而且我倆都覺得其他餐廳仲好味，但dessert是一份 chocolate mousse就我老公唔太鍾意食朱古力都話好食！ 

Conrad Maldives Restaurant 後記：
有一樣我不太喜歡是所有晚餐要預先 make reservation，island host第一天問我倆dinner plan，我感覺唔夠free囉，反正每間餐廳大把位，做咩要訂位唔可以walk-in喎！在島上和其他住客chit-chat時，大家也有同感！我建議上Conrad Maldives網，先download各餐廳menu，在飛機反正冇嘢做咪睇吓啲menu，因為Conrad每一間餐廳的waiters都幾心急serve，坐低片刻、同老公傾吓計、欣賞餐廳四周，我都未開始睇menu就過嚟are you ready to order.....我索性叫多杯波羅汁(因我和老公都唔飲酒)叫佢俾時間我慢慢諗！

my other articles on Maldives 2011

1. 馬爾代夫Conrad Maldives2011(1)~重遊夢想地
2. 馬爾代夫Conrad Maldives2011(2)~Male'機場篇, Traders Male Hotel  

3. 馬爾代夫Conrad Maldives2011(3)~Conrad Lounge+水上飛機篇 

4. 馬爾代夫Conrad Maldives2011(4)~房間篇Beach Villa & 幼白沙灘 

5. 馬爾代夫Conrad Maldives2011(5)~房間篇Spa Water Villa的日落 

6. 馬爾代夫Conrad Maldives2011(6)~環境設施篇
7. 馬爾代夫Conrad Maldives2011(7)~浮潛篇
8. 馬爾代夫Conrad Maldives2011(8)~飲食篇 (you're reading it)