旅遊最美好的......就是回憶......分享生活勝過獨自擁有
大清早起床，與老公、老爺奶奶四人到酒店餐廳吃過buffet breakfast後便出發到長城，今天天氣超熱，但天氣好旅遊都開心啲。為了令兩老舒服，我在香港東瀛遊買package時一併預訂了一部七人車，要$1100(有不同型號不同價錢)，雖然有點貴，但兩老坐得舒服，我和老公又可以邊坐車邊面對面跟老爺奶奶"傾計"，又開心又值得。我朋友話坐的士由王府井到長城都是￥300-400多。不過北京的士不太舒適(比香港的士細部)，老人家會坐得唔自在。其實間間酒店都有包車服務，毋須在香港預訂，這樣變動彈性大啲。
司機說車程需一個半小時，但可能沒塞車，一個小時便到八達嶺！一落車就係售票處，我們要買八達嶺入場卷及來回索道票(即纜車票)￥80，老人票半價。因與老人家同行，所以冇諗徒步下山，來回纜車令他們舒適啲。
我們遊長城不是旺季(6月中)已經很多人，想像不到超旺季有幾多人了，雖然人多，但排隊時間都不太長，半小時左右就上到纜車了！
人龍啊！
雖然有欄防止插隊，真的沒有人跨欄插隊，但在隊中你行慢一步後面的大陸同胞立即閃電般躡位！不過佢哋躡位我即說"甭插隊"....都唔知啱唔啱！
每部纜車六人，而且速度都幾快，所以好快上到車
長城腳下廁所，但我勸my blog friendssss忍到就忍吧！
book車處....
這是上八達嶺的纜車啊！
纜車中的birdeye view....老爺奶奶在纜車上已非常興奮.....
老爺奶奶在纜車上已非常興奮.....
大概5分鐘索道到八達嶺....朋友說索道下車不用再徒步便到八達嶺.....我以為是到達好漢碑.....錯了！還要爬一段斜梯才到達！
要爬這段斜梯才到達好漢碑啊！你看這人海長城，我八十歲的老爺還是不爬了！兩老在比較平地的梯級坐下等我倆"征服長城".....
不過梯級真的又斜又窄，又加上太多人，莫講老人家徒步吃力，我和老公徒步到好漢碑都吃力！
長城一城樓......
找到這沒其他人做背景在長城八達嶺拍照真難啊！
因人太多，我們沒逗留多久就下山，搭纜車落山前有一小紀念品店，價錢竟比山下低！見兩老爬長城咁辛苦，送了一個mini長城給老爺留念，￥45 only(冇講價).....奶奶亦揀了隻彷玉鈪，好似￥30、40(忘記了$$).......老人家開心最緊要！如果在香港任何旅遊點，唔過一百都唔晒諗！就算在長城上買枝水都是￥6，當然在北京街頭買枝水只是￥1.....比起香港平得多呢！
纜車站一出，再落山一段路就是一排排紀念店、食肆、旅遊巴公車落車處，所以與老人家同行，包車就不用是這段路，留返氣力爬長城！
出名的北京炸醬麵，我最喜愛的蘭州刀削麵都有得食！
一排排紀念店....可以慢慢shop....不過間間舖賣嘅紀念一樣！紀念品、Tee價錢真的唔算貴，老爺揀了件長城Tee￥30
征服完長城與兩老到鳥巢水立方逛逛。當天太熱又猛太陽，鳥巢水立方方圓百里都冇瓦遮頭，帶備兩傘真的必需啊！
我建議￥20一位坐園內觀光車吧！
觀光車司機載你遊園仲做埋導遊講解每座建築.....所以話奧林匹克公園觀光車係老人家恩物啊！
親身到鳥巢才感受到鳥巢的宏偉！其係好大大大大大大大大大呀！
朋友說可進入鳥巢參觀，不過征服完長城，老爺累啦，又要再徒步，未免太辛苦了。下次再來先至參觀鳥巢內部........所以下午我倆安排老爺奶奶在酒店腳底按摩，他們連聲叫好！
水立方，現在是公眾泳池了！我諗夜景會更靚！
奧林匹克公園
接著下篇blog與大家分享故宮 The Forbidden City!!!!
my other articles on
Beijing 2011
沒有留言:
發佈留言