旅遊最美好的......就是回憶......分享生活勝過獨自擁有
我們乘早機到北京，三小時多正午就到步，我和老爺奶奶都覺得首都機場好大啊，設計就同香港機場差不多.....每當我們三人四周望，老公都在前面幫我們拍照！
首都機場真係大到無論....落機、入境後行一段路再撘無人駕駛烈車先至到 Baggage claim啊！
首都機場係(好似)冇冷氣咁呀！可能他們奉行25.5℃環保空調....
我們四人到步都好興奮...又見到北京冇落雨...啱晒旅遊
出閘就有司機接我們到停車場
這個「紫微辰恒」在departure那邊的，都差不多成首都機場的地標了！
見此地標直行便是離境.....我覺得離境的路標指示比入境那邊清楚
這部機場至酒店接送車是我在香港東瀛遊買package時一併預訂的，有不同型號不同價錢，老公話希望兩老坐得舒服啲，所以揀呢隻$490一程(機場至酒店)的，長城也是呢款車，要$1100，雖然有點貴，但兩老坐得舒服，我和老公又可以邊坐車邊面對面跟老爺奶奶"傾計"，又好開心又值得。By the way，其實間間酒店都有包車服務，毋須在香港預訂，這樣變動彈性大啲，只訂機場至酒店接送那程就夠晒。
我以為要成粒鐘才到酒店，點知大半個鐘就到了我們入住的北京國際藝園皇冠假日酒店(Crowne Plaza Hotel Beijing Wangfujing)....個名水蛇春咁長，北京的士司機的英文係不太通行，所以我每次搭的士都索性show酒店咭片給司機睇，哈哈哈！
呢間酒店在王府井大街及燈市口街，近燈市口街地鐵。雖是5星，但比起其他5星總是有段距離，看toiletories就知啦！Crowne Plaza員工不可說沒禮貌，就是不殷勤，永不smile at you或打個招呼.....我真係覺得香港酒店好一萬倍！
房間都算大，地方都乾淨，而且地點在王府井大街，夠方便，房間上網要收費但detect到大堂的free-wifi，哈哈哈哈！business centre上網要收費，若上網airline check in要列印boarding pass要收￥10一張，痴線(我由酒店搭的士去故宮都係￥12，他們竟然收列印費￥10一張)，理論後我發覺原來AirChina在北京是沒有online check in，所以我慳這￥40 printing fee！！Anyway，老爺奶奶都說很喜歡我的選擇，奶奶喜歡酒店的早餐buffet選擇多亦不時補充，我簡直開心返晒！不過我唔會建議my blog friends入住Crown Plaza囉！
要和大家分享計程車......記得揀呢隻雙色，落錶￥10，3km後￥2/km，有時收多￥2唔知咩費，夜晚11點後要收20%附加費......點解我要講計程車.....出發前朋友們叮囑我們不要揀單色計程車....誰不知那我和老公安頓了老爺奶奶在酒店休息後，飛奔住恭王府時，一不留神截了部單色計程車.....由王府井到什剎海的恭王府￥18都有多，但那程是￥36呀！so, my blog friendsss, beware! (有位熟識北京blog friend回應了有關北京的士，好有用！多謝他，大家記得睇爬下Hugo Beijing blog)
接著下篇blog與大享分享Temple of Heaven天壇
my other articles on Beijing 2011
12.與老爺奶奶遊北京2011(12)~ 天安門廣場、東嶽廟
沒有留言:
發佈留言