網頁

關於我

我的相片

我是一位舞台演員,是我從小的夢想。所屬劇團是劇場工作室Drama Gallery
 
香港演藝學院戲劇系畢業,赴美國紐約HB Studio鑽研音樂劇表演。職業舞台演員。現為劇場工作室Drama Gallery行政總監及駐團演員。兩屆香港舞台劇獎最佳女主角及兩屆最佳女配角。

    11/30/2010

    黑森林poster開工!


    若此blog未能顯示相片,請clickhttp://blog.yahoo.com/_THUSCBGU2K7XGKIFCR4YGRBIDY/articles/22380


    嚟緊二月劇場工作室在元朗劇院演藝廳公演一個奇幻幽默喜劇黑森林》,每個production的第一大步當然是劇本,第二大步就係poster啦!海報單張好緊要,尤其對舞台劇,觀眾接觸海報才入場睇戲,電影電通常都有trailer吸引你去睇。
    余翰廷、我和 Zee (our graphic designer)傾咗幾個星期,稔poster方向,今次要到元朗劇院做,又驚因地點問題票房唔好 (元朗劇院對theatre-goers真係有啲遠),跟住身為監製嘅我就要向(連我在內)9位演員度期影相,大家都忙都到飛起 (咁又係好事嘅,有邊個演員想踎喺屋企等開工呀~~~),度期都度到我暈咗,Zee本想 9人一齊影,但同一日跟本夾唔到時間,唯有放棄concept 1,用concept 2仲要辛苦Zee在電腦合成.....現今科技真係「乜都得」!與各演員在影相當天小聚已經 "雞啄唔斷",而排緊戲期間我應該做咗IVF,會在家休息,我稔我會好 miss大家,But I've a much bigger production to do呀!哈哈!

    黑森林》海報初稿
    my blog friends可能擔心我將做IVF手術,又怎能排戲上台呢?......所以今次黑森林》我只是聲音演繹,無論IVF成功與否,作為演員都要有所"交帶",今次劇中女主角Jumbo再不是我 (亦是十年來Drama Gallery第一次公演不要我擔主角),我和阿廷有個好安排:找了一個有前途有潛質嘅女演員代替我,她是文瑞興,即係上次<山村老師>同我AB Cast那位。男主角卜醫生,我和阿廷找了陳文剛,得佢擔戲,我萬般放心!我是演陳文剛過逝的太太,我的聲音演繹(包括唱歌)部份會在12月完成,那麼IVF後我就安在家中啦!
    拍攝花絮與你分享....電腦合成前....
     
    黑森林》演員 陳文剛廖淑芬.... 6月在《小鳥》同陳文剛癲完更係想同佢再玩,不過我唔希望今次同"倒佢玩",我要有個人生大production完成!
     
    黑森林》演員
    廖淑芬文瑞興
     
    黑森林》演員 王耀祖鍾一鳴
     
    黑森林》演員 薛海暉梁浩邦
     
    黑森林》演員 鄭佩嘉張君洳

    余翰廷影相時都搞鬼搞馬影......


    下次再繼續黑森林》updates

    11/28/2010

    Window Farms

    城市耕種早在歐美流行,我在2003年SARS期間在各方停工下,在家中養成種植小盆栽的 hobby....最近發現windowfarm好有趣。一排排空樽用wire("威也")掛在窗前vertically種植,設有澆水系統"添",利用 水泵由上而下澆水,好得意。可以去 windowfarms網頁 睇!Facebook都有


    11/25/2010

    給胚胎專家驗第二次血

    上篇blog我說等了個半月終於等到第一二次瑪麗醫院驗血報告,星期一我亦驗第二次血。這次是確實我和老公是否地貧,邊隻地貧(有甲型&乙型,我和老公都是甲型),瑪麗醫院梁蘇莎姑娘好好人,說話very encouraging,仲叫我哋去睇posted在board上的那張剪報:幾年香港(瑪麗醫院)第一個地貧成功PGD & IVF個案,三胞胎啊!

    我們俾咗訂金,梁姑娘說立即從美國訂PGD針,我又唔知點解佢哋唔一次過訂多啲,反正地貧越來越多人關注,亦越來越多人不介意人工受孕,anyway, it's their policy...couldn't interfere more.........梁姑娘說胚胎專家驗血好快,訂PGD針要兩星期,叫我哋get ready.....「大日子」好似越來越近,現在過程心情都好似呢兩年自然懷孕一樣,只不過係「人工」咗少少,well....只要達到目的,who cares?!

    與我有相同經歷的姊妹:你們又怎樣?

    蘇梅2010 Banyan Tree Vacation(Day4-5)~豪食 Dining on the Rock、回港

    旅遊最美好的......就是回憶......分享生活勝過獨自擁有
    Day 4:突然超好陽光,又轉到超級好好好好的Hillcrest pool Villa,全日在屋裡曬太陽、游水,亦到酒店內的The Sands吃午餐,但四點多又下雷雨!激死!不過上午一曬一不留神就曬到皮膚紅了。傍晚好彩停雨,沒破壞到Six Senses Hideaway Dining on the Rock吃燭光晚餐。本想吃完dinner後去Chewang逛街shopping及到My Friends Hoilday 按腳,但是這餐燭光晚餐吃了3多小時,回到Chewang太夜想逛街,想試試泰式地道按摩的店舖都差不多關門,索性回靚靚小屋享受山中夜景。這天超高級享受吧!

    11/24/2010

    蘇梅2010 Banyan Tree Vacation(Day4)~豪住Hillcrest Villa、海邊The Sands嘆午餐

    旅遊最美好的......就是回憶......分享生活勝過獨自擁有
    突然超好陽光,又upgrade到超級好好好好的Hillcrest pool Villa,全日在屋裡曬太陽、游水,亦到酒店內的The Sands吃午餐,但四點多又下雷雨!激死!不過上午一曬一不留神就曬到皮膚紅了。傍晚好彩停雨,沒破壞到Six Senses Dining on the Rock吃燭光晚餐。本想吃完dinner後去Chewang逛街shopping及到My Friends Hoilday按腳,但是這餐燭光晚餐吃了3小時,回到Chewang太夜想逛街,想試試泰式地道按摩的店舖都差不多關門,索性回這靚靚小屋享受山中夜景。這天超高級享受吧!
    前幾篇blog提及:雖然我和老公一入住Garden view pool villa被美麗房間、山林環境、私人infinitely pool吸引住,但Garden villa(房號F11)的前方是草地,最初以為ok,但Day3發現竟有人行過,變了no privacy,我不滿投訴後酒店upgrade我們Day4入住到Hillcrest Pool Villa(房號G10)
    本想訂Ocean View Pool VillaHillcrest Pool Villa(呢兩隻房價錢唔差太多),但康泰强烈推介Garden Pool villa又說個view差不多,但價錢差三四千蚊,未到過Banyan Tree Samui 的我當然信他們的專業意見。但到步後很後悔。Hillcrest Pool Villa有私人泳池、sun bed外,仲有一個可嘆爽爽山風的patio & jacuzzi
    加上整個酒店是建立在一個V型山谷中,房間是高腳屋而建,都是建在Valley兩邊,所以越高越隱密,也當然越貴。强烈建議「人生有幾多個十年!一生人一定要豪住一次!」
    入這小屋第一個感覺係 magnificent!簡直開心到飛起飛起再飛起,高居臨下望住V型山谷、望住全海景的私人infinitey pool、仲有暖水juccuzi,可以在房中玩「三温暖」啊!開揚的山頂,爽爽的山風,「正到暈」!我不斷嘩嘩嘩!二話不說跳落泳池,雖然老公比我含蓄,但我知他高興到不得了,因為他不停拍照!
    這個向海的infinity pool在這泳池暢,突然想起(1993)我首個攞香港舞台劇女配角獎嘅戲:《阿Dum一家向海的日子》


    太好了,今天「太陽出來了!」,立即跳進day bed 任曬享受日光浴。誰不知,一不留神在曬了一個上午便曬得皮膚道紅
    嘆完温水 jacuzzi,再跳入泳池,三溫暖?!
    游完水,三溫暖完,可直接行入rain-shower浴室,沖完rain-shower之後再在這個落地玻璃bathtub浸鹽浴(有浴鹽供應呀),實在太嘆!不用弄濕bedroom living room……另外酒店每晚都送上唔同welcome gift,呢隻好可愛小海龜是紀念品之一,仲有書籤、磁石貼和postcard(當然係印有Banyan Tree嘅風景標記啦)……感覺好貼心就夠啦,什麼禮物who cares。不過有樣嘢唔係咁好,房間雖然有iphone dock但要播音樂要透過電視,又要選台又要咁咁咁,搞咗好耐,老公終於都係放棄唔聽音樂啦。





    玩完水,我哋靜靜坐在patio吹著山風看海,此時此刻 I am speechless

    因為我哋planned今晚到Six Senses HideawayDining on the Rock晚餐,唔想花時間再出Chewanglunch,又驚太陽叔叔唔知幾時走,雷雨姨姨返轉頭咪冇得enjoy這個無敵海景泳池,索性走到酒店嘅海旁餐廳The Sands享用lunch
    聽聞The SandsRib eye & Wagyu beef 是好好味的,但老公唔食牛,而且中午就食得咁heavy,真係想返香港減肥咩?!


     我哋揀咗另一道signature dish:用紅磚焗嘅Pizza。不過我個人喜歡pizza皮脆啲,佢哋嘅pizza皮比較好似食麵包多過食pizza。另外我哋叫咗個泰式酸甜猳就好好味,都係整返地道嘢啱啲!

    仲有,呢間The Sands係送上無限量free嘅新鮮焗麵包 goes with Balsamic Vinegar(very意式啊!)我食一條麵包已飽咗。所以如果你有機會到呢間餐廳,淨係叫杯嘢飲齊嘆麵包睇海景都夠晒滿足。價錢我唔記得,只記得簽單時計回港幣係ok price.....

    仲有一樣好有趣:The Sands餐牌成斤重,可能驚海風吹走!哈哈!


     ......AND 下一篇blog同大家分家一餐景靚氣氛好的燭光晚餐,我和老公去到非常隱世的Six Senses Hideaway之餐廳 Dining on the Rock(餐廳建在崖上)10道菜的candle light dinnerit's the most beautiful dinner I'd ever have so far with my hubby

    my other articles on2010 Samui tour