網頁

關於我

我的相片

我是一位舞台演員,是我從小的夢想。所屬劇團是劇場工作室Drama Gallery
 
香港演藝學院戲劇系畢業,赴美國紐約HB Studio鑽研音樂劇表演。職業舞台演員。現為劇場工作室Drama Gallery行政總監及駐團演員。兩屆香港舞台劇獎最佳女主角及兩屆最佳女配角。

    3/31/2011

    決定唔雪胎,go ahead做PGD測試


    今天覆診,Dr Ng 話報告見有3個胚胎(有1粒卵受唔到精)他說是自然。好彩3個胚胎中全是Good (有一個仲係Grade 1)。得三個機會去做PGD,我真怕冇胎放,但我和老公商量好,唔等啦,雪胎,等三個月,又再俾多七萬再抽多次卵,仲唔知抽到幾多,what if 下次又係得幾粒.......一切一切太折磨了!

    3/30/2011

    胚胎植入後,要不要躺?

    胚胎植入Embryo Tranfer (ET)後,要不要躺? (引用自台灣生殖醫學會理事長劉志鴻婦產專科)just want to share this piece of information with my blog friendsssss.

    許多不孕婦女在實施胚胎植入術後,擔心咳嗽、走動會震動到胚胎,影響受孕,有人如苦行僧臥床數天,甚至包上紙尿褲……國外研究卻發現,躺或不躺,懷孕率毫無差別。

    「胚胎植入」,是試管嬰兒治療中,很重要的一個步驟。通常是用很細的導管,經由陰道內子宮頸的開口,將胚胎注射入子宮入。胚胎被置入後,還要在子宮入飄浮幾天,才著床。

    許多不孕婦女深怕因為咳嗽、用力會將胚胎逼出體外,因此在「胚胎植入」後,往往選擇躺在床上,動也不敢動,希望藉此保住胚胎,增加受孕機會。這其實是不正確的想法。

    3/29/2011

    取卵手術


    若此blog未能顯示相片,請click http://blog.yahoo.com/_THUSCBGU2K7XGKIFCR4YGRBIDY/articles/22423


    36小時前專程回QMH打夜針,日針和夜針一樣打,唔明點解要專程回醫院打,guess醫院要make sure打夜針時間要準,otherwise會影響到36小時後的取卵手術。

    今天取卵大日子到了!因太早,只可在ER辦入院手續和俾埋最後一筆費用$31000,只須5分鐘就搞掂,跟住返去5K等。因我跟私家隊,而每天瑪麗醫院做2個私家case+1個公家case。姑娘先叫我和另一個私家case的patient。準時0730就有姑娘幫我插針嘴,姑娘仲叫我揀埋午餐(因做完手術要4小時後才可出院)。0800就到6樓私家病房休息(5樓是公家病房)。To my surprise, private ward 環境唔錯!一間房兩個位,各有張one seat sofa、、衣櫃也有,仲有私家浴室所。而且今天安排我一個人一間房,老公可在房中柔閒等我。.........其實我仲想講係,我冇留意俾嗰筆錢係包埋一日二等房及醫生巡房費 (約三千多元),公家只係$100多,其實呢方面公私家我也不介意,不過你唔可以又公家又私家,(講笑咁講 : 公私不分咩!)
          

    取卵前一晚入住數碼港艾美酒店


    終到了IVF 取卵大日子!因朝早七時就要到達瑪麗醫院辦入院手續,我住得太遠,老公唔想我太頻撲,所以前一晚入住最近瑪麗醫院的 Le Meridien Cyperpot,老公話當係 relax一下唔好咁緊張。酒店真係好近,5分鐘的士車程就到!老實講,咁樣住一晚唔太經濟,但為了令大家唔好咁緊張......值啫!我當係去咗旅行吧,我諗如我在家等一定瞓唔著。這也是我第一次在香港入住酒店.....咁梗係啦,冇事冇幹又做咩有屋企唔住呢?

    當天還要排戲,我們入住已是八、九時多,周圍逛逛,吃個晚飯就休息,所以唔太enjoy到酒店設施。

       

    終於安排取卵


    上星期六超聲照後得三粒卵泡有點驚,好失望!驚唔夠蛋做PGD的過程中排除。Dr Ng叫我打多幾天,等可以多卵泡,四天後果然多了一半,不過醫生說再打多兩三天,等egg大。原求醫生跟本就plan要打14日針(當然有些人反應好就七八日就可取卵),當時我先知前幾天自己失望!唉!

    3/20/2011

    卵巢反應麻麻

    今天滿希望到瑪麗醫院,諗住自己個肚都「賑」咗咁多日,應該幾好,點知 Dr. Ng照完話卵巢反應麻麻,得3粒egg仲係十零mm,未ready攞出嚟,打多4日針呀......咁我就catch唔到岑醫師去旅行放胎啦!而且我知道得3粒egg有d失望,驚PGD會 eliminate到冇胚胎放......老公話既然已盡力,冇亦冇辦法。其實岑醫師都講過噴鼻藥有時反會少egg,所以私家唔用噴鼻藥,好似我有個blog friend,佢做IVF都冇噴鼻,只係打多卵針後再打支防過熟卵針.......Well....各有各法,let it be......身體真唔聽話......像老公話呢件事後戌功與否「俾身體放假」!

    3/17/2011

    碰碰香

    今天行過街市花店,見到呢盆「碰碰香」就買咗返屋企,有些像驅蚊草,輕輕碰到有陣陣香草味!唔知正名是什麼,查查再同大家分享。

    3/15/2011

    開始打針刺激卵巢

    若此blog未能顯示相片,請clickhttp://blog.yahoo.com/_THUSCBGU2K7XGKIFCR4YGRBIDY/articles/22417

    3天前開始打針刺激卵巢,好多姊妹話我知會發脾氣,我唔覺,可能我一向都冇時冇刻發老脾!哈哈哈哈!

    原來支針好幼好短,feel like針炙,瑪麗醫院姑娘話有肚腩係唔痛嘅!因為原來打針打落 fatty tissue係唔痛....怪唔得細個打針屁股。好易打,支針有晒每次要打份量,第一次姑娘教我,幫我自己打針,不過好彩老公幫我打,因我見到支針有D手軟。姑娘仲mark低每盒邊日打幾多份量,俾張紙 record每次份量,一定唔錯,因我做PGD,要多d蛋好d,所以第一二天dose比較重,仍用噴鼻藥去防egg過早排出

         

    3/13/2011

    日本得體抗災 中國網民讚歎

    如果中國人的國民教育像日本般就好!....如果中國人的國民教育像日本般, 我就唔怕返多d大陸!

    日本得體抗災 中國網民讚歎 學校成避難所勾起川震回憶


    (明報)2011年3月13日 星期日 05:05
    【明報專訊】雖然遭受地震海嘯重挫,但日本人昨天仍不失團結、守禮、守紀律和尊重互助的價值觀。東京地鐵站和便利店都是長長人龍,每個人靜靜地等候,沒有打尖、沒有搶劫、沒有互相指駡。學校禮堂是災民的安心避難所,抬頭可見堅固瓦樑,沒有人會懷疑是豆腐渣。遠方的中國網民目睹裂開的日本,為3年前的四川 感慨之餘,亦不禁為災難中仍然挺直腰板顧全大局的日本人,舉起拇指讚好。



    3/10/2011

    星期六就開始IVF第二階段

    唉!又等多5、6天,月經仍遲,真係唔明白自己身體,我做人永遠守時唔會遲,就算我以往M都準時,硬係今個月要睇M做嘢就唔守時......真係冇辦法都要講句「人算不如天算」!!!!!! 因為遲太多,差不多遲咗兩星期,以前我會以為有咗,但因我用緊第1階段的噴鼻藥,expected會遲M (but my blog friendssss, 有些人就算用噴鼻藥都M準)。但遲咁多,call back 瑪麗醫院,姑娘就叫我今早再返去見見 Dr. Ng。

    3/04/2011

    用噴鼻藥令月經遲

    今朝天未光零晨5:00就起牀準備到瑪麗醫院,乘了一個鐘多啲車程7:30到達醫院,今早是噴鼻藥Day18,正常係到醫院照超聲波及抽血驗荷爾蒙,如果掃描卵巢沒有大的"水泡",驗血荷爾蒙又在基礎水平,就可以開始打"刺激卵巢針"。可惜我仲未M,遲咗5天啦!Dr. Ng聽到就知因水泡大咗少少而導致M遲,ultrasound後真係!Dr. Ng 話有5%女人會咁(God, I so much want to be so ordinary!!!!!),Dr. Ng 話噴鼻藥係會令水泡出現在子宮,但唔影響,過多幾日水泡自然消失就會M,而且ultrasound知道子宮健康就ok啦!

    3/02/2011

    第20屆香港舞台劇獎~最深入民心的演員選舉

    香港舞台劇獎邁向20年,合辨的香港電台與香港戲協會堅持推動戲劇的信念,在回顧與前瞻之間,希望與你尋覓舞台上最深入民心的演員,歲月裏最扣人心弦的劇目,在戲劇世界留下標記,讓舞台人的路走得更遠,夢造得更大。 若你是或曾是theatre goers,支持一下劇界,立即按入 http://rthk.hk/special/drama_award2011/ 投票。 投票日期:2010年2月28日至3月11日

    3/01/2011

    《創出香港神話1》2011社區文化大使

    若此blog未能顯示相片,請clickhttp://blog.yahoo.com/_THUSCBGU2K7XGKIFCR4YGRBIDY/articles/22413

    劇場工作室今年有份參予「2011社區文化大使」:節目名稱《創出香港神話》。節目以戲劇為橋樑,本地民間神衹故事為藍本,通過16社區巡迴演出(3/4–2/5),引發普羅大眾對戲劇與傳統文化的興趣,再配以一連串不同類型的56工作坊(16/3–31/5),包括編劇、表演、舞蹈繪畫、攝影、佈偶操控佈偶製作,來加強市民大眾對戲劇藝術的參與感及發揮其創意。計劃完結時,配以一連5總結展覽(3-7/6)為整項《創出香港神話》的活動及學員學習的成果來一個gallery式的展覽展覽包括出學員於繪畫、攝影及佈偶製作課程的成品、放映巡迴演出錄像,展覽其中2導師帶領安排學員作佈偶操控短劇展演,讓曾參加活動的社群及廣大市民參與。