gladysliu: 馬爾代夫Conrad Maldives2011(7)~浮潛篇

6/03/2011

馬爾代夫Conrad Maldives2011(7)~浮潛篇

旅遊最美好的......就是回憶......分享生活勝過獨自擁有

我喜歡海又怕海，世界好多地方潛水都好靚，不過要從房間一出、毋須再坐船出外島就有靚珊瑚睇，唔揀馬爾代夫都唔知揀邊。上幾篇blog和大家分享馬爾代夫清澈見底的海水，現和大家分享浮潛樂.....在Conrad Maldives每天上下午都浮潛，看暗色的地方便是珊瑚所在，超易見到，當然越游得遠珊瑚和魚品種更靚。

在我們入住Beach Villa 207對出海域建了一個堤壩，特別給小朋友一個signal，堤壩後更深水，不過水位都唔過我頸，堤壩後有大大珊瑚礁和小丑魚啊！但這海域珊瑚不是一大片，是獨立大大個，所以游游下都可以踏沙企起身也不會整爛珊瑚，比較適合小朋友。

看看，真的又淺水又清澈就見到珊瑚和魚魚

不過始終近岸，所以有顏色的珊瑚都是紫色而已，要看五顏緣色的珊瑚都是出海，Conrad有個叫 Snorkeling Safari 帶你去三個熱門徒手浮潛地點，但那些地點有十幾廿米水深&有時好大浪....我又不是strong swimmer....我驚

所以冇join呢類trip。

Island Host介紹我們Beach Villa 225對出一片海域的house reef是最靚的珊瑚礁所在，所以我們走到這裡下水，亦有不少住客在這裡浮潛。真係好靚的珊瑚！

在這裡一起浮潛，很快熟落。我倆在島上認識了一對中國新婚夫婦孔先生太太(孔先生是在深圳做生意的香港人，每天吃早餐都交流島上所見所聞)，亦認識了幾對美國和英國夫婦....

你話係咪似喺水族館隔住塊玻璃影相呀！Noooooo呀！我倆真係在水底影的啊！

在Beach Villa225對出一片海域的house reef是一大片連鎖性的珊瑚，所以有時潛在它們上面有點驚，因淺水，驚我踼水時整爛珊瑚，又驚被珊瑚割傷，後來發現珊瑚與珊瑚間有條path，跟條path潛安心啲！

呢條片想俾大家睇....only25秒，大家睇下好淺水都有好大片靚珊瑚！係老公拍，我冇咁叻！

面對咁大個海，得我和老公兩個游有種 too deserted 感覺，所以遇上多幾個住客，但又不像香港般擠逼，一起浮潛幾開心呀！那天真的玩得很高！

海參呀！好似屎.......那天，潛潛吓就會有人嗌，big fish over here....coming over.....beautiful coral over there....thank you, going over there.....好開心呀！就係咁游來游去、潛來潛去、上岸休息曬吓太陽就過了三四粒鐘！

我們遇上這條超大珊瑚魚，差不多有兩三尺呀！有牙的！它在吃珊瑚吃十多分鐘內！

另一對英國夫婦是strong swimmers，他們一直游出海，回來和我們說見到更靚珊瑚、同大鯊魚同游、又摸海龜.....我羨慕，但冇咁大膽 chase shark！我和老公老每朝在沙灘邊見baby sharks已經好happy！

相影得唔大清楚，呢隻鯊魚鰭是燈紅色及黃色，好靚！

近距離接觸 Baby sharks！原來佢驚我多過我驚佢！

在Main Jetty有更多 baby sharks游來游去，仲見到它們吃魚仔.....有條片又俾大家睇睇

仲有一件趣事，入住Spa Water Villa那天立即跳落水，一直向Coral Reef方向前游，游游下見到水底處有條類似海草東西飄飄吓，仲有好多沙產起，再游近啲，原本條海草係隻超大魔鬼魚尾，個身有張摺檯咁大，嚇到一時心駑同老公立即掉頭走！現在回想，驚咩呢！影張相呀嘛！好難得戲水見巨大水底生物啊！我老公游回villa木梯係咁笑係咁笑，笑大家太低B啦！

後記：
my blog friendssss，從香港帶些餅(我帶了brownies因我喜歡朱古力)，面對陽光靚海灘好難resist唔成日snorkeling或游水，所以好快肚餓，又要老遠跑到餐廳，餐廳係不可穿泳衣，又要換衫，倒不如在沙灘邊吃些餅......不過千奇唔好咁傻帶杯麵呀！(在"飲食篇"解話)