1/29/2011

2011新年裝飾~蘭花

咁多年新年都係臨急臨忙辦新年裝飾.....有人話working woman就是這樣.....今年2011新年休演後多咗好多時間去享受生活.....做吓家庭主婦做嘅嘢....昨天大掃除掃到我全身肌肉痛到盡!!

今天去搜羅些新年裝飾,第一次買蘭花做新年裝飾,我覺得好靚。往年只係年三十晚到花市買水仙、桃花、吉回家.....今年諗住唔放桃花,換上蘭花!有時間在外搜羅些年花嘅感覺唔錯.....咁多年只有theatre生活,係時候享受另一種生活了,當然theatre life我是不會放棄.....I mean要學懂平衡生活!

我今天買了這盤蘭花,是我第一盤蘭花做年花....$260都唔算貴吧....唔太識行情

粵劇造型酒瓶

我細佬去旅行,遊酒廠...九江雙蒸博物館....買咗呢set粵劇造型梅酒送俾我,雖然我唔飲酒,但呢set酒瓶好別緻啊!




1/28/2011

劇場工作室 E-Newsletter(Jan2011 issue)

第4期DG Newsletter (Jan2011 issue) 出版了,通過電郵令各朋友了解劇場工作室的動向!如果你曾經join過劇場工作室的通訊錄,那麼每月DG Newsletter便會自動電郵給你。

2011年,劇場工作室快將公演的演出《黑森林》已進入排練的高峰期,排練室中不停傳來瘋狂的笑聲,是導演的,又是演員的蝦碌錯摸,希望眾觀亦能在正式公演時與演員一起分享那種純粹而直接的『真』。眼見前線導演和演員們的努力,我們亦希望借著這份通訊盡力把排練室中狀況告知讀者們。《黑森林》對於劇場工作室來說是一個挑戰,元朗劇院是一個容易令人卻步的劇院,地點是主因,一個難以改變的因素。於是,我們除了努力做傳宣工作外,就是更加更加努力的排練,因為我們都相信,排練過程中所獲得的,可能比公演時獲得的更多。就如劇本其中一句對白一樣:「我們現在就只能面對這場戰爭,『寶藏』不一定在這裡。」


1/26/2011

21 days & IVF program starts

等了很久,係時候,21日後開始聞鼻藥........心裡又喝望又怕!一切隨緣!

1/18/2011

2011新年裝飾~五代同堂

仲有15日就過年啦,剛收好 Studio的聖誕樹,又要放上新年佈置了!今晚從大陸回港,羅湖過關前有間植物舖,見到呢棵「五代同堂」只售¥68,唔洗稔就買咗!好抵!

1/16/2011

我在<黑森林>主唱的歌



若此blog未能顯示相片,請clickhttp://blog.yahoo.com/_THUSCBGU2K7XGKIFCR4YGRBIDY/articles/22403

過去十多天真係忙都透不過氣,<黑森林>開票房,要搞好多宣傳工作,同時又要搞嚟緊嘅「社區文化大使」,同時又要搞復活節戲劇課程,雖是搞adm及前期工作,亦有助手幫我,但始終是自己劇團的節目,點會唔緊張,亦好想「開好個頭」等下個月我你IVF後可安心休養........而今天,我已錄好<黑森林>主唱的歌....率先給my blog friends聽聽。這首歌是馬永齡作曲、陳文剛填詞,將在<黑森林>第一場播,加上各演員的movement,氣氛一定好不錯.....我希望你到時嚟睇啦!

 

1/06/2011

爆笑黑森林宣傳一

爆笑黑森林宣傳一.....演員邀請你入元朗劇院睇戲
劇場工作室~~奇幻幽默喜劇《黑森林》元朗劇院 18-20/2/2011

1/02/2011

回顧我的2010

若此blog未能顯示相片,請click入http://blog.yahoo.com/_THUSCBGU2K7XGKIFCR4YGRBIDY/articles/22399

又一年了!希望新一年新開始!2010年做了很多事,演出及開始休演、眼晴做了Lasik 從此再不是「四眼妹」、旅行、小產、申請收養細路、計劃IVF、上契、與很多舊同學re-union......and 結婚10年慶祝.....孔明燈......

2010年只做了兩個戲,都是重演的:《山村老師》及《小鳥》,之後進入我的休演期,因今年又再小產了兩次,丈夫與我商量好了,不可再受工作壓力令身體休養不適再導致小產,我亦心力交碎下決定休養迎接2011年頭的IVF!

   
《山村老師》演出                                                  《小鳥》演出