旅遊最美好的......就是回憶......分享生活勝過獨自擁有
遊故宮對我老爺奶奶來說都是「大工程」，故宮真的大得要命，原本我planned了一整天慢慢行，但又是天氣太熱人又多，老爺奶奶過了一個故宮上午便累了，雖然我和老公對故宮內文物好有興趣，不過都是放棄吧....but it's alright.....遊唔晒咪下次再遊囉....講真，莫講老爺奶奶，我和老公都熱到全身濕透
.........所以要遊故宮真係襯後生去呀，這麼又大又多史蹟文物的地方，少點體力都難捱，以前啲公公宮女真勁！
.........所以要遊故宮真係襯後生去呀，這麼又大又多史蹟文物的地方，少點體力都難捱，以前啲公公宮女真勁！
我們從酒店乘的士到故宮，我知道若由午門入，的士落車後還要行一段路才能入宮，所以我揀由東華門入，落的士見大霧護城河，當時只是9:00，我奶奶話似北海道小津！
觀光車司機千叮萬囑叫我們不要買黃牛票，那當然吧！故宮票￥60老人票一樣是半價。
排隊買入場卷時有小販賣￥5份的故宮導游圖，內有一份大路線圖，幾好！otherwise太和門都有個大大的故宮地圖
入宮前租用「自動講解器」，有普通話、粵語，只是￥10租金+按金￥100，英文￥40，任何有個出入口都有得借有得還，我 highly recommended！每行到景點就播講解！不過一踏入景點sensor感應到就播講解，有些人都未行到就播完，冇得rewind呀！不過就算入宮後太和門也可以租用。
那天這故宮可能是星期日，簡直係「人海紫禁城」
雖然人多，但故宮太大，所以都唔太擠逼，不過每逢看每個殿內的龍座擺設就針都插唔入呀！救命！
我怕老爺奶奶熱，買了一把印有清朝歷代皇帝扇及一把壇香扇給兩老....(不過把壇香扇一刻就冇香味啦，算吧￥10貨仔仲想點呀！)
原來跟老人家遊玩和兒童差不多，久唔久送些禮物，他們好高興的啊！你看我老爺幾搞笑，即席耍扇舞！！
中線特別多人外，其實兩旁係OK"自由"
故宮建築
故宮的中國紅真是獨一無二，見到呢隻紅都好難唔諗起中國！
皇帝上朝時，殿外鼎燒著壇香，令整個殿充滿香氣....係「自動講解器」講....嘩！咁咪好似我哋燒香薰咁囉！哈哈哈哈！......行行吓見到華麗背後的落幕故宮。看看這孤獨的螭(古代傳說冇角龍，咪好似西方的unicorn)，這排水螭頭破爛也沒人理。
我們繼續前進.....在後方的老爺奶奶幾十歲都可以肩並肩行，希望我倆到老也是這般
離開中軸線兩旁的小宮殿擺放一些展品
老爺奶奶邊看皇帝皇后畫像，邊聽「耳機」講解，真係太好安排，大大增加欣賞文化歷史的興趣！我都很喜歡「耳機」講解。
清朝比較"出名啲"的皇帝皇后畫像，孝莊、康熙、雍正、乾隆、光緒、慈禧(是她年青畫像).....不如話拍過劇集的皇帝皇后都展出其畫像吧！其他皇帝皇后sorry啦！
另一館展出皇后妃子服飾，不過很有限，lighting design有啲差！
行到中途，我們在紀念品店旁的cafe飲杯凍飲後再出發.....
不過老爺真的攰，所以我們決定走捷徑，咸和左門直出到"紅廊"，轉左再直行到北門出口
行畢呢條 "red corridor"，大家都要坐下休息，好彩在北門(神武門)紀念品店對出，樹底下設一排排長櫈，老爺奶奶便在這裡休息，我倆就再次行"red corridor"，飛奔到尾轉左，進入珍寶館.....
北門(神武門)紀念品店外
珍寶館要額外￥10入場費，可能這樣，入內比較少人。
珍寶館有九龍壁、寧壽宮、做表演的暢音閣、珍妃住的景祺閣及珍妃井也在內。前幾年我們演了多場學校巡迴<慈禧軼事>，戲中提到景祺閣等地方，我和老公當然想實地visit一下。
九龍壁
珍寶館內的寧壽門前.....比起中軸線真的清靜得多
皇極門
皇極殿
珍寶館展覽廳旁一些小宮殿殘得很啊！
又要讚讚「耳機」講解
供演出的暢音閣
做演員的我必定要逛逛的暢音閣
光緒帝看戲座
慈禧太后看戲座
以前的劇本....應說劇曲劇本
珍寶館展覽廳內展出一些后妃飾物，仲展出了不少頭飾，不過我影得有點out-focus
再前行到珍寶館盡頭就是珍妃井了
快速遊完珍寶館....都要兩老等了我們一個鐘.....匯合他們打道回府(Crowne Plaza酒店)
雖然一天遊變了半天遊，但老爺奶奶盡興才是我和老公所想，遊不盡故宮又何妨！我今次與兩老自由行經驗係「要變得快」，懂得看老人家身體語言......我和老公想想，午飯休息一兩小時後，黃昏冇咁熱，和老兩三輪車遊胡同(現在算是popular景點了)，等他們不用徒步。總之佢哋舒服我哋高興啦！
後記：important message to my blog friendssss......的士站就在北門(神武門)對出，遊故宮可以由北門入午門出。我們由北門出，諗住幾步路截的士搞掂，唔洗老人家行，點知故宮北門的士站全是"黑社會"(that's what I called them)包起，全是包車到別的景點，近地方唔去(例如王府井).....仲要霸住條"埋線"！太過份！那邊廂，我老公照顧兩老，免人多走失；這邊廂，我冒死到中線才能截到的士！好彩啲"非黑幫"的士都肯停，若不，要帶著疲累身軀的老爺奶奶再行多百里以外截車，我就真係要「推出午門斬首」哈哈哈！
接著下篇blog與大家分享南鑼鼓巷、鐘樓鼓樓!!!!!!
my other articles on Beijing 2011
沒有留言:
發佈留言