台北遊2011(3)@Shopping篇+誠品書店

旅遊最美好的......就是回憶......分享生活勝過獨自擁有 

我覺得台北消費與香港差不多，不過有些東西的確比香港平一截，書本就是其中一樣！對於我這類唔太識睇簡體的戲劇人，到台灣真係一大樂事！英文中文的戲劇書包 羅萬有，不過戲劇理論居多，劇本不太多而且多屬classic，要找contempory劇本都是New York Samuel French......不過若要找翻譯劇本或當地劇本就不太多。我和老公今次首遊台北spent得最多時間的地方應是誠品書店了。4日行程未能夠時間逛逛其他書店，下次吧！

我在誠品書店的戲劇 corner...........

誠品書店感覺好似香港圖書館，而且24小時.....太好啦.....太有文化啦.....我倆到步首晚就黐咗喺誠品旗艦店(近MRT市政府站).....因我倆入住的W就在旁，太夜也不怕。

雖說24小時，但到步才知道唔係層層或間間24小時，誠品旗艦店一般22:00 close，好彩戲劇section 晚上12:00 close！真正24小時的誠品書店只有敦化店(近MRT忠孝敦化站)，但只有一層是24hrs，那層是賣書，戲劇section也在內，其實第二晚我和 老公吃完晚飯後又黐咗喺誠品.....

誠品書店設有很多bench給讀者悠然自得的reading，太少人隨隨便便坐在地上睇書....we love it.....just love it....香港書店啊！學一半也好好啦！

每間誠品書店都有coffee shop亦有free WiFi提供.....逛得攰飲咖啡充電，if 間間香港書店都係咁......就好啦！！！！！

太多choices.....太好啦.....好多戲劇書.......又平又多....第一晚已買了兩大袋.....跟住又再買，結果上飛機check in 時過磅!!!!

我唔係買太多手信，因為香港其實都有好多台灣嘢賣，但呢隻豬肉紙真係重點要買。太好食，我一個人食晒一盒！哈哈哈！我朋友指定我幫襯江記華隆 (大同區迪化街1段311號，MRT民權西路站轉的士10分鐘左右，好似TWD 70-80)

間舖8:00 close，條街似西環參茸海味街，我們約 7:30到，好多舖都收工，靜"英""英"，有啲驚，我叫的士司機等等，費事買完嘢搵唔到的士就弊家伙！

其實可以訂亦有「宅配服務」(台灣速遞)到酒店，好似另加幾十蚊(HK$)，但要事先fax，身為遊客，親身去見識下好啲！........豬肉紙超好味！一大包TWD270 (約HK$80多)...原來阿蘇都讚，唔怪得咁紅啦！

另一樣好食snack同大家分享是這「雞蛋布丁」聽講為港也有同款，不過味道一樣嗎？一盒9個在三越basement有得買，好似TWD198 (約HK$50多)用蛋殼裝布丁好有趣，而且唔太甜，又有蛋味....我個人就幾鍾意啦，不過攞返香港......hand-carry都嫌煩。

雖然不是 shopping遊，但買書、豬肉紙.....搞到要老公買多個喼裝嘢返香港

my other article on 《台北遊2011》 

1. 台北遊2011 @ 初踏台北感文藝風濃，享受坐MRT
2. 台北遊2011 @ W Hotel Taipei
3. 台北遊2011 @ Shopping篇 + 誠品書店 (you're reading it)
4. 台北遊2011 @ 三二行館浸溫泉
5. 台北遊2011 @ 九份遊 + 腳底按摩
6. 台北遊2011 @ 美食篇