台北遊2011(6)@美食篇

旅遊最美好的......就是回憶......分享生活勝過獨自擁有

Finally, 台北遊美食篇啦，簡單講：「太多嘢食！太多嘢揀，個肚一時間裝唔晒咁多呀！下次真係要聯群結黨先可以試到咁多美食！」不過我came across幾間餐廳可以同大家分享分享，可以試試！

Breakfast早餐......我們入住的W Taipei冇包早餐，所以每朝自己搵食！好友 Lawrence 介紹了一間 Paul Bakery....大安區仁愛路107號......行落幾條就係敦化誠品書店(24小時嗰間)......MRT忠孝敦化站6號出口，步行前往約需5分鐘

...好有feel的法國餐廳

麵包係幾好食，唔記得早餐一份幾多錢，大約TWD200-300。

枱枱櫈櫈好似古董咁，非常古典feel....咖啡任添，食完早餐同老公悠哉歎咖啡！

LUNCH/TEA TIME 午餐/下午茶......因為太多美食，我和老公都會遊到邊食到邊。與香港的台灣飯比，我很喜歡台北魯肉飯、肉羹，珍珠奶茶也茶味重過香港的。那天，搵食之際，翻翻旅遊書見這間地道何家排骨酥，試試吧！嘩！鋪仔細細，好好味啊！

一定要叫的排骨酥湯TWD55(約HK$15)，一盅一盅有東瓜&"超淋"排骨，湯味好濃，看似好油膩，但飲落又不油膩！哎喲 Yummy呀！而且價錢又平！但我嫌D飯太細碗！

老闆好熱情！呢間店在西門町漢口街2段22號，好易miss咗個門口，見到呢幅 banner就到......係咪好似鬧人?!「他媽的好吃」

DINNER晚飯........那天到濃烈異國情風的天母區逛逛，翻翻旅遊書女娘的店(天母東路97號)，試試吧！又係 Yummy yummy yummy！不過我哋兩個人真係試唔到那麼多菜色啊！

那天我倆想到誠品天母店再搜索戲劇書，乘MRT到芝山站後，原本可轉新光三越的免費接駁車(誠品天母店就三越旁)，但我也是跳上的士！找到呢間女娘的店確實無悔！

老闆娘找了很多props，非常懷舊，好有意思，邊食邊欣賞每件props都要花點時間

在這吃飯，有些「回到未來」feel！

看看周邊「女娘的店」collection......如果我們的 set designers來到這裡，恐怕"掛住睇"唔記得食！ 

我倆都不知怎樣點菜，試了Chef's choice，點了碟古早味烘肉(即係類似東坡肉)和蒜泥透抽(即係魷魚)，老闆娘仲叫我點多個炒青菜及酸菜豬肚湯......好好味！超級好味！

古早味烘肉.....碟餸一上台，我老公嚇一跳！咁大舊兩個人點食呀！.......真係好好食.....有d似大大舊的東坡肉......老闆娘仲問我哋要唔要豬油飯.....好彩我要白飯，碟碟餸大大碟，又好味，食到我兩個肚爆！

兩個人食有D too much....下次要聯群結黨去食先掂！

食完呢餐，我們兩個飽到肚腩左右自動擺！你話有幾飽！

在女娘的店食到超飽後才逛士林夜市，所以我和老公破紀錄：冇在士林夜市食怎何街邊檔！！！！！！！不過呢區「台北女人街」真係好多古靈精怪嘢、日用、Tee、飾物....shopping！我和老公都喝了杯 "檸檬愛玉".....但我點聽都係聽到 "檸檬阿姨"。

逛逛街當作消化！！came across呢間廟....好靚好靚，有好多遊客坐在廟前休息....不過鬼佬居多，可能中國人知廟宇規矩呱！

my other article on 《台北遊2011》 

1. 台北遊2011 @ 初踏台北感文藝風濃，享受坐MRT
2. 台北遊2011 @ W Hotel Taipei 

3. 台北遊2011 @ Shopping篇 + 誠品書店
4. 台北遊2011 @ 三二行館浸溫泉
5. 台北遊2011 @ 九份遊 + 腳底按摩
6. 台北遊2011 @ 美食篇 (yor're reading it)