做了契爺契媽

2010年9月10日：今天感覺好特別，好舒服，好高興，我和丈夫今天是人生第一次做人契媽契爺！契咗我好友林英傑和李惜英(Even&Vivian)對仔女，我做咗人契媽啦！一向我唔喜歡亂叫契媽契爺，我覺得要契就真係契，不可以得個叫字。契媽契爺亦要負上養育之責任的，亦最緊要係緣份！
 
我哋好modern, 上契茶是一杯punch :) 我和丈夫送了一隻金馬仔及兔仔作上契禮物，我知道傳統應送金飯碗及筷子，但我同老公諗要送金嘅話，小朋友會喜歡小擺設多啲。斟茶利事都是書卷，鼓勵佢哋買多啲書睇！
   
讀演藝學院時，Vivian & Even是我最好朋友，佢哋結婚我係佢哋伴娘，我哋結婚時，佢哋已婚，佢哋做我哋兄弟團及姊妹團阿頭.....近十多年來，大家忙著搞劇團，我哋搞劇場工作室，佢哋搞大細路劇團，一年都見唔到五六次，直到今年<山村老師>和Even再合作，决定不再因工花上友誼，每月最少到佢屋企食一餐飯.....我老公同Even&Vivian個仔又好投契喎.....突然想起第一次小產後，有人同我講：「契個仔啦，契咗就順利生你自己嘅仔女啦」.....一直無放在心，又唔太迷信......直到現在....well...我唔知信咩啦......迷信上而言：幫唔幫到都唔再緊要啦，總之今天上契餐我感覺到family。

可能真係 it's all about timing！見返Even&Vivian對仔女即時有種親切感，可能呢種叫緣份吧！上契後，我哋就係一家人！Even&Vivian一向都好錫我，我都會好錫對契仔女, 像my own kids一樣!