今天IVF放胎

星期一取卵當天已預定星期六放胎，好多只做IVF只須等兩天就可放胎，我因地中海貧血症要做PGD去check所以等多兩天，這星期都擔心那三粒胚胎能survive嗎? 能是正常或隱性地貧嗎? (隱性地貧同正常也沒大分別，沒影響到健康的)..........

今天見 Dr. Ng前姑娘叫我先辦入院手續，心想「係咪即係有得放胎啊!」但姑娘沒說，那我和丈夫等見醫生吧......(actually, 瑪麗醫院私家院是 "私家payment"，但都是more or less 公立醫院的服務，但我必須說瑪麗醫院婦產科的醫生護士超 friendly & 好人。)

Anyway, 當聽叫我名時，老公緊緊捉著我的手，想步入房之際，Dr. Ng說等等，他去另一房 call lab. to reconfirm the embryo's info....那刻，我心真係 butterfly in my stomach......好似我多年前在香港舞台劇頒獎禮中，第一次在席上聽到自己得獎前一樣........雖然我和老公作了最壞打算，但渴望「有健康胎放入身體」都是人之常情吧！那刻，老公緊緊捉著我的手，說「有就有，冇就去毛埋裘斯玩！」其實昨天開始 "搵定先"，若個天真不給我一個機會，咪去毛埋裘斯玩囉！

見 Dr. Ng啦.....他說三個胚胎中有一個 Normal，但昨天不再grow了。有一個嚴重地貧，不要了。有一個隱性地貧 (即像我和老公一樣) 健康生長，十點放胎！GOSH!!!!那一刻我開心到喊咗出嚟，老公輕輕pad my shoulder，Dr. Ng笑了 which我第一次見他笑........我邊流淚邊心想 「embryo唔洗多，一粒健康就夠......」

then 我去另一個房辦入ward手續，房內四位姑娘見到我開心到喊都同我一起笑了........在 ward休息時，我默默多謝觀音菩薩、佛祖、天、whatever that I'm given a chance.....好搞笑呀，滿天神佛咁多謝，哈哈哈！

我和另一位太太在 lab前等放胎，大家好 relax地chit-chatting，醫院姐姐又同我哋「談笑風生」。輪到我入 lab，大家都為大家祝福 ，"Good Luck"、"you too"，呢兩個字聽了一世，但從未如此「需要」得咁緊要......yes. Luck is all we needed right now.

手術十分鐘就完成，一直睇住 monitor「目擊」整過程，Dr. Ng 話個胚胎好靚、身旁謢士也說「子宮膜好靚呀！」......唔係好明，但 take到個 message係 「一切順利」

Ok, Stage 1 完成，第6次懷孕，希望成功，生個身心健康BB！跟住仲有好多關要過，一直有好多朋友支持我和老公.....好多謝你們，多謝科學，多謝 Dr. Ng，多謝老公......