又一次流產

放胎後9日後，今朝起床出血，經期一樣。call了瑪麗醫院，姑娘說應是失敗！我今朝在BU教課，心也酸得要死，強忍眼淚完成今天的課堂。老公專登到BU接我放學，緊抱著他在九龍塘放聲大哭！

心痛地又再失敗，第6次流產！就算我有幾勇敢、有幾positive、有幾咁「希望在明天」，我也再受不了！一個女人可以受到六次小產的打擊嗎？老實說兩年前我第三次因地貧而流產時，我已完全崩潰！但一直的一句子令我keep going: when the world says "give up", hope whispers "try it one more time"......就是這樣我和老公tried了6次！我再受不了！真受不了命運折磨！受不了！

在家緊抱老公再放聲大哭，哭的再不只是bb冇了，而是哭命運對我倆的殘酷！I guess 天真係冇眼！but I am not easily beaten, you don't want me to live a mother's life, FINE! I find another god damn way to beat you! 我努力創作, 令自己戲劇藝術再上一層樓囉！唔俾我做媽咪daddy咪唔做囉! 無論如何，我也不會向god damn fate低半點頭！

2007年尾到2011年頭，三年多的折磨，6次懷孕6次喜悅6次悲哀，我和老公在「生bb」一事令我們在工作上不敢大膽前進，沿浮在半空！夠啦！夠啦！夠啦！夠啦！夠啦！像Chekov一句名台詞：「係停時候啦！媽媽」........天！你係都唔俾我和老公做爸爸媽媽，一個基本到係人都做得到的事，我倆也未有給一個機會！那！算吧！.........

......去執衣櫃和書櫃，我要將所有與孕婦有關的衣服書本通通掉去！明天晚要教班，生活還是要活的！老公話：「我倆高興是我倆的最高任務，若生育令我們不高興，掉頭走吧！」

2011悲痛的廖淑芬字