旅遊最美好的......就是回憶......分享生活勝過獨自擁有
上星期五約咗契仔一家到惠州地派溫泉玩2日1夜relax團，好彩契仔女星期五學校放假，唔洗weekend同人逼！哈哈！呢間地派溫泉5月先開幕，所有嘢都好新，啲泉水好清晰，聽講是含蘇打的，我試過後覺得好「正」，有50多個泉，每個泉都唔細，八九個人也能同時浸，有些泉有40度，好夠熱，天氣開始涼，浸落啲熱熱泉水好舒服。仲有一樣我欣賞係夜晚的lighting非常足夠，一排排房間，露台燈影照下浸溫泉，一啲都無黑漆漆 "吔都睇唔倒"嘅感覺。Good！
Lobby一啲唔似大陸 resort，又大設計唔老套，仲處處有足夠 lighting！
房間及餐廳等設計都有5星feel！又大又Zen，唔錯！導遊話下年開始所有國內酒店都不再供應牙膏牙刷及房間拖鞋，所以我們帶完 just in case。
房間供應香薰，我第一時間點，有時大陸香薰好濃，但呢隻好清，令人舒暢入睡。
唯一不好是我們check in時房間仍未執好，仲要我哋上到門前先知道，我覺得好多國際性酒店絕不會發生，最多叫客人在Lobby等.......我哋塞喺一間房等，契仔不停同我老公玩，契仔媽媽Vivian發揮媽媽責任：卸行李。我就坐咗三小時車程攰到無聲出，契女睇電視，契仔爸爸同我一樣....攰！
契仔好鐘意打波，到步已三點幾四點，美麗華安排5:30吃飯，既然未浸溫泉，所老公同契仔&契仔爸玩乒乓波、桌球。仲有gym玩。
乒乓波、桌球、gym等等，唔貴，一小時約￥38(唔太記得)。
晚飯後浸溫泉、按腳(好似￥55左右，佢哋唔收tips)，溫泉區8:30-9:30仲有 free buffet添，但食物一般。反而美麗華安排嗰4餐都幾好食，仲有早餐buffet(唔算美麗華包)都好好食，choice算多，有點驚喜。
契仔樂天&契仔爸爸Even食早餐
因為太新，未有自由行，永東亦未有團，只有美麗華旅行團，因星期五加多$100，每人$799兩日一夜全包宴，全程餐包晒，中途有些無聊景點，但行行鬆鬆好過淨坐3小時車，不過巴士細，唔夠永東車舒服。今次導遊領隊好好，有介紹景點、歷史、宵夜....好照顧，$100tips低俾。...........我聽團友講有些人加多每人$100 upgrade客房，裡面有個私人溫泉浴缸添！但一定要報團時提出，到步後想upgrade係唔得！
客房價錢包無限次浸溫泉，溫泉區在酒店 basement直達，唔洗行「九丈遠」，溫泉換衣間、浴室、Steam Room、Sauna仍然好乾淨，職員態度我好滿意。有些團友講房間shower唔夠熱，所以我索性在溫泉區澡涼，嘩！啲水非常夠熱，每間shower room又夠大。
在此一提，我哋同行有小童，但團費都係減$200，只包一次浸溫泉，亦無加床，溫泉入場費每次都一百多元，如果小童同行，又想多次出入溫泉，可能俾大人團費仲低。
沒有留言:
發佈留言