前幾篇blog我也說了，幾年前因 《爺爺與情人》增肥到130磅，後因《反面情侶》要胸圍底褲視人，所以要勁減到108磅，那兩個減肥歲月真慘，不可與老公同枱吃飯，廖氏家族各人支持我減肥，連親愛祖母生日宴上，我在美食當前，只是坐在席上，但取出「減肥飯盒」來吃......我記得嫲嫲當時說：「打仗都冇咁慘」令全人類捧腹大笑.....我的叔叔們引誘我說：「食埋呢餐先啦」......呢句最危險.....過唔倒呢關必敗！好彩....老公支持我.....激勵我...又俾我肚餓又唔食得嘢時發脾氣！
上文講到，我對自己更加嚴厲 ，我到Physical做機(即減肥療程)，前幾年到那裡減肥，有埋餐盒整好埋俾你，一日三餐包唔會食多。現在沒有餐盒供應，所以my blog friendssss 不一定要到Physical，它也不太特別好。「做機」其實係快啲將脂肪打散，加埋運動節食，係可以成功一個月減到十多磅的，跟住那一年多我也沒返彈，直到我要增肥。
現在..........我跟返上次pattern減，10天了減了6磅，辛苦死，比上次慢了，咁新陳代謝也慢了吧！但每早上磅見磅數遞減算是回報。最衰冇人整好減肥餐盒俾我，今次要自己準備。有一位減肥營養師給了我一份減肥營養餐單.......又同大家share呀！不過我嚴厲啲，因要上台，要勁減，同埋自己prepare減肥餐有點煩，所以我也會吃Orbis及Fancel的代餐......冬天要有暖嘢落肚先捱到的.....我個人最增減肥milkshake.....一飲想嘔又唔暖肚.........若大家唔嫌貴可以一試，不過其講差不多，外出一餐都要幾十蚊。
* 每天要飲8-10杯水
* 不可飲任何骨湯有肥肉有雞皮湯
* 湯渣是致命傷
* 食飯要紅米飯+白飯 (3比1)
* 每餐比例 : 3份菜2份飯1份肉
* 盡量買no fat食品，我都是吃脫脂cheese、脫脂火雞肉、脫脂奶做早餐
* 每餐份量不要多，咁就可以慢慢食細個胃
* 減少外出用餐次數
沒有留言:
發佈留言