gladysliu: 劇場工作室《夜鷹姊魅》影宣傳照到腰斷咁滯

7/06/2012

劇場工作室《夜鷹姊魅》影宣傳照到腰斷咁滯

馬不停蹄，劇場工作室21-23.9.2012公演的新劇《夜鷹姊魅》開展啦！身為編劇導演的余翰廷已完成初稿，亦開始同set designer章佩佩(即是《黑色48樓》，《四千金》，《小鳥》的set designer)傾佈景設計。幕前亦踏入宣傳期了！剛影完宣傳照，今次亦邀得Joyce Ma幫我們設計造型及化妝。造型好靚亦同有種神秘感。。。。。。。。。

嘩！當天揹住對大羽毛翼及穿上五吋高鞋企足四小時，真係人體極限！但我覺得最辛苦都係帶 colour-con。因為好容易令視覺不對焦，我當天真係好似個dumb blond，成日眨眼放電，其實係碌返隻con回瞳孔。Joyce都笑說終明白點解帶"大眼仔"、colour-con妹成人放電！可能其實她們只係“對focus” 哈哈哈！

我就登大師兄陳永泉舒服！他整天的pose就是坐！影完相，我到腰斷咁滯！雖然對大翼得十磅左右，真係唔重，但當我穿埋高鞋，揹住幾粒鐘，真係要挖苦自己：「美麗是要代價的！」

影poster當天，多謝 Joyce Ma在化妝前給我和陳永泉一份超爆水的mask!

今次graphic designer，我們請 Design Vintage 的Terrenz Chang再度合作，她自我們創團的《鬼劇院》、近期的《山村老師》，與我和我老公都合作得非常好，今次再請她操刀宣傳設計是因為她對余翰廷的正劇有著獨特觸感，我相信她一定會透過她的crafts表達出來，結果。。。。。。沒令我失望，亦令我起出望外!

今次同“APA Drama School 大師兄” 陳永泉同台演出，好興奮！我、余翰廷和陳永泉三人自離開赫墾坊13年後再度合作！我們三人以前一齊在赫墾坊做全職演員時，日日返工都玩到癲、笑到傻。。。唉！真係"那些年"。。。time flies。。。今次還有王耀祖、賴慰玲、陳郁憲。。。肯定我們6人暑假中排戲一定擦出火花。。。係開心火花呀！