星期六就開始IVF第二階段

唉！又等多5、6天，月經仍遲，真係唔明白自己身體，我做人永遠守時唔會遲，就算我以往M都準時，硬係今個月要睇M做嘢就唔守時......真係冇辦法都要講句「人算不如天算」!!!!!! 因為遲太多，差不多遲咗兩星期，以前我會以為有咗，但因我用緊第1階段的噴鼻藥，expected會遲M (but my blog friendssss, 有些人就算用噴鼻藥都M準)。但遲咁多，call back 瑪麗醫院，姑娘就叫我今早再返去見見 Dr. Ng。

於是我又係天未光出門口，私家那邊等見醫生的輪候時間比較快，我幾次都係等咗15-20分鐘。當各人急急忙忙返工，我和老公就逆流而行搭地鐵，十時未到就回到家中......就好似dream walk咗去醫院一樣！

超聲波照後見水泡仍是2cm(算係大)，因此水泡而遲M，問Dr. Ng點解，佢只係話有5%女人會咁，其實我唔係想聽statistcs，我想聽why。前幾天睇針炙，岑醫師就解答了 which I can share with my blog friends，原來因為我身體「好想好想」排卵但噴鼻藥令子宮進入休養靜態等待多卵針的「刺激」，「好想排卵」及「休養」 contrast下形成這水泡，水泡便影響M遲，Dr. Ng話水泡會自己縮細至冇，最緊要真實係驗血的荷爾蒙水平OK就開始第二階段：打多卵針！下午有結果，驗血的荷爾蒙水平OK啦，something around like 200，Dr. Ng 話冇須等M or not，兩日後start打針14天後取卵，佢仲話通常7-14天，若我對藥物反應唔好可能打多幾天，Day 16 is the big big big big day：取卵！我倆往後路點行就睇那天！

好似好人工化的過程，但科學就可以幫到人類減少certain extend的悲傷痛楚，我早知PGD可能冇須經歷5次悲痛.......Well, but我嫲嫲成日話齋：有早知冇丐衣 :o！哈哈......