36小時前專程回QMH打夜針，日針和夜針一樣打，唔明點解要專程回醫院打，guess醫院要make sure打夜針時間要準，otherwise會影響到36小時後的取卵手術。
今天取卵大日子到了！因太早，只可在ER辦入院手續和俾埋最後一筆費用$31000，只須5分鐘就搞掂，跟住返去5K等。因我跟私家隊，而每天瑪麗醫院做2個私家case+1個公家case。姑娘先叫我和另一個私家case的patient。準時0730就有姑娘幫我插針嘴，姑娘仲叫我揀埋午餐(因做完手術要4小時後才可出院)。0800就到6樓私家病房休息(5樓是公家病房)。To my surprise, private ward 環境唔錯！一間房兩個位，各有張one seat sofa、、衣櫃也有，仲有私家浴室所。而且今天安排我一個人一間房，老公可在房中柔閒等我。.........其實我仲想講係，我冇留意俾嗰筆錢係包埋一日二等房及醫生巡房費 (約三千多元)，公家只係$100多，其實呢方面公私家我也不介意，不過你唔可以又公家又私家，(講笑咁講 : 公私不分咩!)
姑娘好有禮貌，好友善，好好傾，又幫我換衫，好準時提我打「肌肉鬆弛針」前5分鐘清尿，好準時打「肌肉鬆弛針」和其他我也忘記是什麼藥力的針，唔洗5分鐘我就暈酡酡，但仍好清醒的。準時0900推我返去5樓lab做手術，過程一啲都唔痛，反而因家後可能藥力過了有些微痛，就好似有時我哋好快飲多水，「小掩」有些微痛咁。
大約下午2:00Dr.Ng巡房，佢話只取了4粒蛋，當時有些唔明，前几天照見到6粒，點解取得4粒呢？！Anyway，我亦費事問啦。Dr. Ng說要等3天後才知有冇成功胚胎去做PGD，他說4粒是最底限數，(好彩的話)預計只得1-2胚胎可放，suggest我哋考慮雪胚胎，三個月後再取多次卵，儲多啲先一次過做PGD，我心一沉，又要再等多几個月.....what about越取越少？my blog friendssss，若你不是在QMH睇，可否替我問問你的醫生，just to get a second opioion。老公話「博一博」，就算得一個胚胎都放，to get it over with 啦！生育事件已困擾了我倆3年了，除非一個胚胎都冇，if I were that unlucky, what more can I say!!!!
coming Wednesday就知我往後生命怎樣走............
沒有留言:
發佈留言