蘇玉華+劇場工作室的《相約星期六》回顧

星期六晚17.12.2011完成了第二次的《相約星期六》，雖第二次搞，劇場工作室的我們四人像有了routine一樣，各人已清楚自己崗位，自然自動就做咗！我喜歡現在Drama Gallery的團隊精神......「自然自動就做嘢」冇計較，做本份之餘仲諗多一步，又大家幫助明白對方。好舒服！.....今次因邀請嘉賓是電視及舞台演員蘇玉華，名氣多點，吸引觀眾亦多點......所以12月份的《蘇玉華相約星期六》比較多人參加。

上次第一次搞，唔夠櫈，又冇platform整高個講台，又冇開射燈，令觀眾坐得不太舒適，好彩辛偉強平易近人又「好聽」的talk令觀眾都聽得著迷........過去幾星期我們立即添置多50張軟座摺櫈，又多得Drama Gallery「御用後台總監」Lawrence Lee即刻借到兩個platform給我們整高個講台(....點解講「御用後台總監」，因劇團未有能力全職聘請後台工作人員，每次有production都是freelance請).....再加上今次蘇玉華talk開了射燈，又有聖誕樹做裝飾，氣氛好好多。

蘇玉華是我在APA的同班同學，所以她毫不猶疑就幫我團搞《相約星期六》分享她的演藝生命。真的多謝她。蘇玉華開始前仲講笑說：「朋友係咁運用嘛！哈哈哈！」當天她一到步就同我在DG Studio的commom room傾過不停.....直至3:00便準時開talk。Louisa是個很守時的人。

兩小時talk，Louisa與我們分享她的電視和舞台生命的快樂與艱辛，總括說在《蘇玉華相約星期六》，她帶出「要肯定自己目標，認識自己的特點與缺點，才能有開放的心去接受別人的批評和讚賞。」

傾談中，我們二人亦重提在APA的一些點滴，回顧首年在APA我們第一次上台，做一個只有「係」一個字台詞的角色，都緊張到不得了.....我記得那個戲是Normal Heart《常在我心間》謝君豪做主角的。當年APA Drama School的首年學生一定要做ASM(助理舞台監督)，而我和Louisa一同做《常在我心間》ASM之餘，還要做「茄喱啡」，我們二人要做護士，我仲要做埋謝君豪秘書，有一聲「係」一個字台詞的角色.....Well，回顧真係要講句 time flies，已是廿多年前的事.....畢業後多年來各自有各自的忙碌，我和Louisa咁多年都冇「坐定定」傾咁"耐" "計"。今次藉著《相約星期六》，又可以請她做嘉賓，又可以再與老同學傾兩個鐘頭"計"，Feels so good.... .....莫講觀眾聽得開心，我和Louisa都傾得不亦樂乎！

在DG Facebook 亦上載了一些《蘇玉華相約星期六》的花絮給大家分享。

《蘇玉華~相約星期六》精華片段，看看呀

http://gladysliu.blogspot.com/2011/12/blog-post_26.html