旅遊最美好的......就是回憶......分享生活勝過獨自擁有
深圳東部華僑城(茵特拉根酒店)兩天自遊行日誌
深圳茵特拉根華僑城.....近近地 weekend遊玩兩天，都不失一個選擇。建築真係似瑞士小鎮
上月華僑城發生機動遊戲意外，令我想出版呢篇blog，是有關4月我去「華僑城茵特拉根」的一篇日誌。其實我對大陸機動遊戲有些保留......可以唔玩就唔玩！再加想東部華僑城好似政府注資建，時常免費招待學生弱勢社群等人士去玩，排隊都排晒啲時間，再加上國內同胞慣性喜歡爭先恐後，大家見到上海世博新聞就明白我說的是什麼一種「國內同胞behaviour」....sometimes, I don't see the point of pushing....cos' eventually you will get there, right?!
深圳東部華僑城有好多間唔同酒店，我和丈夫余翰廷揀咗茵特拉根，仲有可浸溫泉，行行花草公園，玩玩摘茶葉炒茶葉，水上世界玩一日都得。因4月時，我的身體12月流產後未完全痊癒，我和阿廷除了水上世界及機動遊戲，處處都有自由自在的逛逛。其實深圳東部華僑城就好似香港theme park(主題公園)，但呢個theme park霸幾個山頭！大都嚇你一跳！華僑城內處處富歐洲特式，係好寫意的，但每當排隊搭小火車，玩氫氣球時就令人disappointed，Why....「國內同胞behaviour」，所以我建議到中國要avoid人多地方。
森林小火車環園一周，車程45分鐘左右，帶你看看整個華僑城，其他谷(我的understanding是 park，有幾個唔同theme parks：打golf的、機動遊戲的、水上世界的、佛學的、溫泉spa的、濕地公園的)
Anyway, 華僑城內的職員服務不錯，我和丈夫先到排隊，as always一定有人插隊，我想理論之際，那位職員哥哥已勸告那位阿姐了！點都好，呢啲事亦無損我散心的心情。
我是訂永東的直通巴士，晨中粉嶺上車，但其實在羅湖火車站撘的士都是￥80-90，兩人至四人share係低啲，不過人生路不熟的話，直通巴士安全啲。永東有個package，$2100多 for 2人、豪華房，亦可加錢到豪華湖景房，我唔記得加幾多，好似$500以下。Book房時要求 early check-in 及non-smoking房。package都包2人主題公園各景點入場券、茶溪谷門票、 温泉入場券、天禪表演入場券、早餐等等。可以去 www.interlakenhotel.com or http://www.eternaleast.com.hk/ 看看。永東都唔錯，上次去同林英傑夫婦去廣州金叶子都是through永東book房。直通巴士經沙頭角過關後，到深圳東華僑城大俠谷下車，再轉乘酒店shuttle bus，每小時一班，逢踏正開出(即12:00, 13:00, 14:00…..)，約20分鐘車程可到達酒店。
華僑城茵特拉根酒店 大堂，幾靚！仲有幾對新人影着婚紗相！我們入住豪華湖景房，無bell-boy帶你，自己到自己房間，看看42”LCD大電視，露台欣賞湖景後，去主題公園丹桂軒吃午餐，但呢間丹桂軒的食物同羅湖商業城那間比，差好多。其實園內食方便麻麻地！
露台見到的湖景....其實呢座就是spa溫泉的地方
遊園.....就是接著的節目，2:00左右有parade，但表演者好"hei"，但亦可取些做街show經驗，4:30pm看「天禪」表演，約1小時.....感受到祖國「大」的表演。其實其他"谷"都有表演，但我哋唔趕啦。晚上去浸温泉spa。第二日到濕地公園逛逛，看看不同花種，超大南瓜。花草樹木種得唔算靚，但環境清幽，散心逛逛 or 一家大細遊園不失一個選擇，仲可以俾錢(好似￥10左右)乘golf car帶你由一個景點去第二個景點.....
呢個銅人不是假，係真人扮...好可憐，fixed point幾小時！
2:00左右有parade，但表演者好"hea"....一點沒有fourth of July Parade的感覺....(即是有時在電視見到的美國國慶巡遊)
「天禪」表演，約1小時.....感受到祖國「大」的表演
後邊的葉是vedio打，好3D！
濕地公園，超大南瓜
茶溪谷，玩玩摘茶葉炒茶葉，大自然中逛逛
我們玩了2日1夜(即一日)，其實要玩盡整個東部華僑城要3日2夜(即兩日)。其實咁近香港，唔住酒店都得，只到主題公園玩都得....但我這樣 enjoy life的人.....never!! 入園票可以玩兩日，記得入園前在入口處映「証件相」....酒店職員話入園前在入口處映相可玩兩日.....下次想同林英傑一家大細到另一個theme part長隆玩！
沒有留言:
發佈留言