gladysliu

12/20/2010

亞莉亞蒂部屋

最近買咗部新相機，所以成日都想搵啲events、occasions影相，昨天就到咗在旺角世紀廣場Lobby的亞莉亞蒂展，星期六下午都唔算太多人，但都係人逼逼的，影影相係不失為一個好地方。

幸運草

四葉草又名幸運草，學名苜蓿草，是多年生草本植物，一般只有三片小葉子，葉形呈心形狀，葉心較深色的部分亦是心形。最為有趣也最特別的是，在十萬株苜蓿草中，你可能只會發現一株是‘四葉草’，因為機會率大約是十萬分之一。因此‘四葉草’是國際公認為幸運的象徵。它的每片葉子都有著不同的意義，當中包含了人生夢寐以求的四樣東西：名譽、財富、愛情及健康，倘若同時擁有這些東西，那就是幸運了。

12/18/2010

又一年，今天DG Stduio的聖誕樹

若此blog未能顯示相片，請click入http://blog.yahoo.com/_THUSCBGU2K7XGKIFCR4YGRBIDY/articles/22389

一直以來，DG Stduio 都無佈置聖誕樹的習慣，太忙、只得我同老公兩個費事，而且每年年尾無論在演出及行政都忙到飛起，直至上年聖誕正排緊《山村老師》，一班學生嚷著整棵聖誕樹 (同我排《山村老師》時，他們已是APA畢業了).....

我見有咁多人幫手，買囉！記得上年整起棵聖誕樹嗰陣好興奮。大家像一班大細路希望尋獲孩童的夢。而且一班學生唔想我和余翰廷辛苦，大部份"hard job"都係佢哋做，我和老公都係「坐享其成」哈哈哈！

我記得上年平安夜排完戲我哋仲交換禮物添，好warm！

12/16/2010

Drama Gallery 奇幻幽默喜劇《黑森林》優先訂票 (Early Bird Promotion)

劇場工作室~~奇幻幽默喜劇《黑森林》現正八折優先訂票 (優先訂票截止日期：7. 1. 2011)
元朗劇院演藝廳
18-19 .2. 2011 (星期五至六) 8pm／20. 2. 2011 (星期日) 3pm (設演後座談會)節目全長約90分鐘，不設中場休息正價門票於1月7日起在各城市電腦售票處發售(正價門票 $180, $140, $100)現可透過劇場工作室優先八折訂票 (成人折扣票 $144/$112 及學生半價票 $90/ $70八折訂票詳情，下載表格閱覽
Early Bird Promotion：贈送四千金CD 或流浪在彩色街頭劇本+CD
學校團體訂票(訂購學校團體票可獲得5大優惠) 下載表格閱覽

訂票查詢2372-9007 (Dymo Leung) / contact@dramagallery.com
編劇/導演余翰廷
演員陳文剛、廖淑芬(聲音演繹)、文瑞興、王耀祖、鍾一鳴、梁浩邦、鄭佩嘉、薛海暉、張君洳
佈景設計徐碩朋、服裝設計溫俊詩、作曲/音響設計馬永齡、燈光設計楊子欣、形體指導黃志榮
監製廖淑芬、助理監製梁永能、製作經理李浩賢平面設計 Zee Li 、海報形象設計及化粧Henry Kong、攝影Henry Wong

《黑森林》講乜？
在戰爭一觸即發的時期，精明蠱惑的卜醫生來到人跡罕至的森林深處隱居，開設了『黑之旅館』，別名『乞衣旅館』。但不知從何時開始，他隱居的森林竟成為了尋找寶藏的主題公園，來自世界各地的尋寶者，拿著一大堆似是疑非的地圖、線索、啞謎，在森林尋找寶物！於是，旅館滯留了不少頑固的尋寶者：受了傷但孔武有力的劊子手、脫不下頭盔陰沉會計員伯伯、停不了打字的獨眼女打字員，還有肥將軍的肥兒子及其尋寶追随者，他們每晚在旅館如鬼魅般出現，又如鬼魅般飄離；累得卜醫生的女管家Jumbo婆應接不暇，但奇怪的是，他們偶然會在深夜聚在一起，細心聽著卜醫生的故事。一天，卜醫生被逼重出江湖，為國家當軍醫，於是，退休者退不了休，尋寶者尋不了寶；就在眾人進退維谷之際，卜醫生提出了一個令人驚訝的提議……使得尋寶者逆轉為犧牲者……

中醫簡易自我體檢

最近在明週一篇article，是有關中醫簡易自我體質檢查方法，大家又看看呀！

舌苔厚：體濕
舌苔白：體濕且寒
舌偏紅：體熱

頸後涼：體寒
頸後熱：體熱

掌心涼：體寒
掌心紅：體熱

我家的小花園

2003年SARS令劇界停工或工作大減，我利用此period培養另一種hobby，就從那時起，我開始玩盆栽.......

12/14/2010

與契仔一家到惠州地派溫泉 trip

旅遊最美好的......就是回憶......分享生活勝過獨自擁有

若此blog未能顯示相片，請click入http://blog.yahoo.com/_THUSCBGU2K7XGKIFCR4YGRBIDY/articles/22385

上星期五約咗契仔一家到惠州地派溫泉玩2日1夜relax團，好彩契仔女星期五學校放假，唔洗weekend同人逼！哈哈！呢間地派溫泉5月先開幕，所有嘢都好新，啲泉水好清晰，聽講是含蘇打的，我試過後覺得好「正」，有50多個泉，每個泉都唔細，八九個人也能同時浸，有些泉有40度，好夠熱，天氣開始涼，浸落啲熱熱泉水好舒服。仲有一樣我欣賞係夜晚的lighting非常足夠，一排排房間，露台燈影照下浸溫泉，一啲都無黑漆漆 "吔都睇唔倒"嘅感覺。Good！

12/12/2010

IVF延期

剛收到瑪麗醫院留言，我IVF排期到三月就可以做了，心裡有點激氣，上次 Dr. Ng說是十二月或最遲一月，上個月中亦安排了買PGD針，姑娘說PGD針一到(takes about 2-3 weeks)就可開始 treatment，點知現在又話安排到三月！我安排了二月<黑森林>不演直至年尾休演，現好似時間表被打跨，有點唔舒服！想問醫院點解，留咗message但估計是聽到的都是有好多人輪隊，每天只做三單 blah blah blah，所以不期望了，但我sure知道是三月的期已落簿，除非我drop out，otherwise三月就是了！講都有些緊張.....哈哈哈哈！

不過再細想.....唉！既然如此，let it be啦，呢兩個月再做多點運動，飲花膠煲雞湯，少點工作....可能上天就是安排我這樣情況下接受 treatment 啩?!

有blog friend說到養和做 IVF & PGD價錢差不多，十萬蚊內又唔洗排期，早知就到養和啦！

12/03/2010

今天是結婚十周年正日

每年的12月3日是我們的結婚紀念日，今天是結婚十周年正日，又是忙碌的一天！都唔知點解，沒節沒日的平時清閒過日，有嘢慶就更係忙忙碌碌.......十年，做余太做了十年了.....見證了歲月，見證了同甘共苦，見證了肥廋！哈哈哈！

11/30/2010

黑森林poster開工！

若此blog未能顯示相片，請click入http://blog.yahoo.com/_THUSCBGU2K7XGKIFCR4YGRBIDY/articles/22380

嚟緊二月劇場工作室在元朗劇院演藝廳公演一個奇幻幽默喜劇《黑森林》，每個production的第一大步當然是劇本，第二大步就係poster啦！海報單張好緊要，尤其對舞台劇，觀眾接觸海報才入場睇戲，電影電通常都有trailer吸引你去睇。
余翰廷、我和 Zee (our graphic designer)傾咗幾個星期，稔poster方向，今次要到元朗劇院做，又驚因地點問題票房唔好 (元朗劇院對theatre-goers真係有啲遠)，跟住身為監製嘅我就要向(連我在內)9位演員度期影相，大家都忙都到飛起 (咁又係好事嘅，有邊個演員想踎喺屋企等開工呀~~~)，度期都度到我暈咗，Zee本想 9人一齊影，但同一日跟本夾唔到時間，唯有放棄concept 1，用concept 2仲要辛苦Zee在電腦合成.....現今科技真係「乜都得」！與各演員在影相當天小聚已經 "雞啄唔斷"，而排緊戲期間我應該做咗IVF，會在家休息，我稔我會好 miss大家，But I've a much bigger production to do呀！哈哈！

《黑森林》海報初稿
my blog friends可能擔心我將做IVF手術，又怎能排戲上台呢？......所以今次《黑森林》我只是聲音演繹，無論IVF成功與否，作為演員都要有所"交帶"，今次劇中女主角Jumbo再不是我 (亦是十年來Drama Gallery第一次公演不要我擔主角)，我和阿廷有個好安排：找了一個有前途有潛質嘅女演員代替我，她是文瑞興，即係上次<山村老師>同我AB Cast那位。男主角卜醫生，我和阿廷找了陳文剛，得佢擔戲，我萬般放心！我是演陳文剛過逝的太太，我的聲音演繹(包括唱歌)部份會在12月完成，那麼IVF後我就安在家中啦！
拍攝花絮與你分享....電腦合成前....

《黑森林》演員陳文剛、廖淑芬.... 6月在《小鳥》同陳文剛癲完更係想同佢再玩，不過我唔希望今次同"倒佢玩"，我要有個人生大production完成！

《黑森林》演員廖淑芬、文瑞興

《黑森林》演員王耀祖、鍾一鳴

《黑森林》演員薛海暉、梁浩邦

《黑森林》演員鄭佩嘉、張君洳

連余翰廷影相時都搞鬼搞馬影......

下次再繼續《黑森林》updates

11/28/2010

Window Farms

城市耕種早在歐美流行，我在2003年SARS期間在各方停工下，在家中養成種植小盆栽的 hobby....最近發現windowfarm好有趣。一排排空樽用wire("威也")掛在窗前vertically種植，設有澆水系統"添"，利用水泵由上而下澆水，好得意。可以去 windowfarms網頁睇！Facebook都有

11/25/2010

給胚胎專家驗第二次血

上篇blog我說等了個半月終於等到第一二次瑪麗醫院驗血報告，星期一我亦驗第二次血。這次是確實我和老公是否地貧，邊隻地貧(有甲型&乙型，我和老公都是甲型)，瑪麗醫院梁蘇莎姑娘好好人，說話very encouraging，仲叫我哋去睇posted在board上的那張剪報：幾年香港(瑪麗醫院)第一個地貧成功PGD & IVF個案，三胞胎啊！

我們俾咗訂金，梁姑娘說立即從美國訂PGD針，我又唔知點解佢哋唔一次過訂多啲，反正地貧越來越多人關注，亦越來越多人不介意人工受孕，anyway, it's their policy...couldn't interfere more.........梁姑娘說胚胎專家驗血好快，訂PGD針要兩星期，叫我哋get ready.....「大日子」好似越來越近，現在過程心情都好似呢兩年自然懷孕一樣，只不過係「人工」咗少少，well....只要達到目的，who cares?!

與我有相同經歷的姊妹：你們又怎樣？

蘇梅2010 Banyan Tree Vacation(Day4-5)~豪食 Dining on the Rock、回港

旅遊最美好的......就是回憶......分享生活勝過獨自擁有

Day 4：突然超好陽光，又轉到超級好好好好的Hillcrest pool Villa，全日在屋裡曬太陽、游水，亦到酒店內的The Sands吃午餐，但四點多又下雷雨！激死！不過上午一曬一不留神就曬到皮膚紅了。傍晚好彩停雨，沒破壞到Six Senses Hideaway 的Dining on the Rock吃燭光晚餐。本想吃完dinner後去Chewang逛街shopping及到My Friends Hoilday 按腳，但是這餐燭光晚餐吃了3多小時，回到Chewang太夜想逛街，想試試泰式地道按摩的店舖都差不多關門，索性回靚靚小屋享受山中夜景。這天超高級享受吧！

11/24/2010

蘇梅2010 Banyan Tree Vacation(Day4)~豪住Hillcrest Villa、海邊The Sands嘆午餐

旅遊最美好的......就是回憶......分享生活勝過獨自擁有

突然超好陽光，又upgrade到超級好好好好的Hillcrest pool Villa，全日在屋裡曬太陽、游水，亦到酒店內的The Sands吃午餐，但四點多又下雷雨！激死！不過上午一曬一不留神就曬到皮膚紅了。傍晚好彩停雨，沒破壞到Six Senses的 Dining on the Rock吃燭光晚餐。本想吃完dinner後去Chewang逛街shopping及到My Friends Hoilday按腳，但是這餐燭光晚餐吃了3小時，回到Chewang太夜想逛街，想試試泰式地道按摩的店舖都差不多關門，索性回這靚靚小屋享受山中夜景。這天超高級享受吧！

11/23/2010

蘇梅2010 Banyan Tree Vacation(Day3)~ Eranda 做SPA、Eat Sense 晚餐、放孔明燈

旅遊最美好的......就是回憶......分享生活勝過獨自擁有

Day 3：原本到龜島浮潛因下雨取消，所以吃過早餐就在Banyan Tree內的 library看看書，再回小屋hea hea，老公繼續看書，我看著雨景停頓思想(在香港「停頓思想」是一種luxury啊)。下午到Chewang比較出名的Eranda Herbal Spa按摩，到步後才認得6年前與陳文剛一眾人都是幫襯這間spa。傍晚停了雨，沒有破壞到Eat Sense海邊燭光晚餐，仲有放孔明燈(今個 trip至愛嘅活動)，當然我和丈夫的生個健康bb的心願一一寫在5盞孔明燈上。這天我最悠閒吧！

Eranda Herbal Spa門口，到達後以為自己Déjà vu......(見下文)

11/22/2010

蘇梅2010 Banyan Tree Vacation(Day2.3)~ Rain Forest 做SPA、in-villa BBQ

旅遊最美好的......就是回憶......分享生活勝過獨自擁有

Day 2：在酒店內的The Edge吃自助早餐，上午太陽超好，立即周圍影相、曬太陽、游水，到中午下大雨，好彩一早made appointment 到酒店的 Rain Forest做免費Spa 及Balinese Message，不影響我！哈哈……不過下著雨總感覺不爽！晚上享受酒店送的in-villa BBQ，再出Chewang逛夜街，像Big Spender般買了兩大袋Boots的hand cream都不用2000B(總之每支香香的handcream不用HK$19)………..

我和老公一向喜歡SPA按摩，可以放鬆身體之餘又能淨化身心靈，在Banyan Tree每位住客都能在Rain Forest免費享用一次(1000B約HK$260)，我和老公玩咗成個Hydrothermal Circulation療程約一個半小時。整個SPA療程就像進入雨林環境淋冷暖水，老公試過後一句comment：「即係三溫暖！冇什麽特別，但氣氛環境夠享受，咁就唔同晒囉(I mean compared with大陸揼骨)」

11/21/2010

蘇梅2010 Banyan Tree Vacation(Day2.2)~感覺cozy的 Garden Villa

旅遊最美好的......就是回憶......分享生活勝過獨自擁有

Day 2：在酒店內的The Edge吃自助早餐，上午太陽超好，立即周圍影相、曬太陽、游水，到中午下大雨，好彩一早made appointment 到酒店的Rain Forest做免費Spa 及Balinese Message，不影響我！哈哈……不過下著雨總感覺不爽！晚上享受酒店送的in-villa BBQ，再出Chewang逛夜街，像Big Spender般買了兩大袋Boots的hand cream都不用2000B(總之每支香香的handcream不用HK$19)…

上篇blog講到一心稔住返villa玩自己房嘅infinity pool，反正設有day bed大膽「曬蛋」都唔怕！點知返房一陣就落雨啦！激死我！點解咁好太陽可以喺一分鐘冇先兆變化！聽Banyan Tree啲人講平時蘇梅11月好熱亦少落雨，應該monsoon weather影響！老公話以後我哋去sea & beach唔好喺旺季頭去，旺季中就包冇事，不過世事難測，plan好晒都唔一定如你所願，就好似我倆生BB嘅經歷一樣，計劃得幾周詳，個天都要玩玩你！！所以落雨嗰刻係有些「頂住」，不過再想做咩因為天氣影響到我嘅心情，所以決定由多游水變多SPA！最緊要enjoy啫!

蘇梅2010 Banyan Tree Vacation(Day2.1)~The Edge嘆早餐、風景、私人沙灘

旅遊最美好的......就是回憶......分享生活勝過獨自擁有
Day 2：在酒店內的The Edge吃自助早餐，上午太陽超好，立即周圍影相、曬太陽、游水，到中午下大雨，好彩一早made appointment 到酒店的 Rain Forest做免費Spa 及Balinese Message，不影響我！哈哈……不過下著雨總感覺不爽！晚上享受酒店送的in-villa BBQ，再出Chewang逛夜街，像Big Spender般買了兩大袋Boots的hand cream都不用2000B(總之每支香香的handcream不用HK$19)....

蘇梅Day2一早起牀見到陽光立即開心到爆炸，老公都開心到快快梳洗「搶陽光」，在酒店內的The Edge吃自助早餐。我哋食完早餐立即周圍影相，然後就落水啦！在The Edge看Banyan Tree風景係極佳，整個山崗，整個沙灘，仲有高處望着一望無際嘅大海吃早餐真係十萬個relaxing！

蘇梅2010 Banyan Tree Vacation(Day 1)~香港到蘇梅

旅遊最美好的......就是回憶......分享生活勝過獨自擁有

興奮出發直飛蘇梅(需約三小時左右)，但我寧願到曼谷轉機，因直航機飛到蘇梅已8:00pm，花了第一天嘅行程，轉機雖然晨咁早上機但到步下午仲夠陽光俾你立即跳落水，我記得上次<小鳥--蘇梅團>到步後大家慢慢食完pizza仲可以跳落Chewang Beach游。

11/20/2010

結婚十周年蘇梅遊2010

旅遊最美好的......就是回憶......分享生活勝過獨自擁有

6年前2004的"小鳥蘇梅八人團"與6年後2010的"結婚十周年二人蘇梅遊"

攝於2010年Banyan Tree Samui 的 Reception area

11/15/2010

等了個半月終於等到瑪麗醫院驗血報告

我係30/9第一次見瑪麗醫院的Dr. Ng，當日是聽講座及首次診症，當日驗了我和老公嘅血後Dr. Ng說等到11月中就會有報告....等了個半月終於等到瑪麗醫院驗血報告！真係好準時！今天15/11一早瑪麗醫院called我，安排我和老公第二次驗血。今次主要給胚胎專家驗血及PGD前測試，驗咩及測咩我都唔知，電話中姑娘亦無詳細講。我心急問一句要等幾耐，姑娘話佢都答唔到，因胚胎專家得一個，公家私家都係佢，一個月只做三單PGD....that's what that nurse said to me on the phone....總之我仲要等多陣，Well....我預咗啦，反正Dr. Ng講過probably最快12月 or 1月，所以我預咗等。

我想問問有有關經驗嘅朋友，呢次驗血給胚胎專家驗血及 PGD前測試大概要等幾耐出報告？之後又有咩要做先到IVF？
PS. 今天下午上機飛蘇梅島預祝結婚十週年，今早又收到瑪麗醫院「好消息」，太好啦....希望呢個星期蘇島梅天天sunny！

終於睇咗<告白>

<告白>上畫係我生日，當然唔會睇住，身邊睇咗嘅朋友都話好睇.....今天終於睇咗<告白>，yes......係好好睇.....but睇完好心"up"....不是因為情節，係因為<告白>講嘅社會問題.....難然套片係mologue式，但導演拍得好好，一開始就吸引住我啦.......睇完我仲立即買咗本小說，明天上機飛蘇梅島可以睇！

11/13/2010

冬天沒有泳池景

我家望出是一大遍山景及永不會改建的公眾泳池景，幾年前我和丈夫計劃生育所以換樓...(當然我的blog friends也知我倆這幾年經歷)....anyway....我就是這個景就買下這層樓，每天早上、傍晚望出窗外都令我回想那些美國country-side生活.....at least在石屎森林中的一遍「園野」啊!